Sozcu.info  bildirir ki, iki korpusdan ibarət olan məktəbin 2-ci korpusunun tavan hissəsi çöküb, binanın 3-cü və 2-ci mərtəbəsində çatlar əmələ gəlib və qəzalı vəziyyətə düşüb.

Məktəbin qəzalı vəziyyətə düşən korpusuna şagird və müəllimlərin girişi qadağan edilib. Məktəbin 1-ci korpusu birmərtəbəli olduğundan binaya ziyan dəyməyib. Məktəbdə dərslər müvəqqəti olaraq dayandırılıb. Əraziyə FHN əməkdaşları və yerli icra hakimiyyətinin rəsmiləri baxış keçirib.

***

Fevralın 5-də Şamaxı, İsmayıllı, Lerik və Ağsu rayonları ərazisində baş verən zəlzələ nəticəsində rabitə sisteminə heç bir ziyan dəyməyib.

Bu barədə Nəqliyyat, Rabitə və Yüksək Texnologiyalar Nazirliyinin mətbuat xidmətindən məlumat verilib.

Məlumatda deyilir ki, hazırda həmin rayonların sakinləri rabitə və internet xidmətləri ilə tam təmin edilir.

***

Fövqəladə hallar naziri Kəmaləddin Heydərov Şamaxıya gedib.

Sozcu.info  xəbər verir ki, bu barədə Trend-ə Şamaxı Rayon İcra Hakimiyyətindən məlumat verilib.

Məlumatda bildirilir ki, zəlzələ ilə bağlı fövqəladə hallar naziri Kəmaləddin Heydərov Şamaxıya gedib: "Hazırda nazir və rayon rəhbərliyi hadisə nəticəsində dağıntı olan əraziyə baxış keçirilir. Komissiya dəymiş zərərin müəyyənləşdirilməsinə başlayıb".

***

Bu gecə Ağsu, Şamaxı və yaşın bir neçə rayonda zəlzələ nəticəsində bir neçə fərdi evin divarlarlnda çat yaranıb.

Hurriyyet.org xəbər verir ki, Şamaxıda baş verən dağıntılar nəticəsində 3 nəfər xəsarət alıb, onlar xəstəxanaya yerləşdirilib.

Xatırladaq ki, Azərbaycanda 6 bal gücündə zəlzələ baş verib.

Hurriyyet.org Respublika Seysmoloji Xidmət Mərkəzinə istinadən xəbər verir ki, ilkin məlumatlara əsasən, zəlzələ yerli vaxtla saat 23:31-də Pirquludan stansiyasından 11 km cənub-qərdbdə İsmayıllı ərazisində qeydə alınıb: "Zəlzələ episentrdə 6 bal, ətraf rayonlarda 5.3 bala qədər hiss olunub".