Ekspert Hacı Quliyev gənc mügənninin ailəsinə dəstək oldu

Ekspert Hacı Quliyev gənc mügənninin ailəsinə dəstək olduMəlum olduğu kimi, dünyada, o cümlədən Azərbaycanda ailələrin boşanma sayı çoxluq təşkil edir. Bu proses daha çox tanınmış sənət adamlarının həyatında baş verir. Belə bir ailə dramı azərbaycanlı gənc müğənninin həyatında da yaşanıb.
Belə ki, bu yaxınlarda “Space” telekanalında yayımlanan “Görüş yeri” verilişində qonaq olan ictimai xadimi, ailə məsələləri üzrə ekspert Hacı Quliyev adını açıqlamadığı gənc müğənninin ona ailəsində baş verən problemlərlə bağlı müraciət etdiyini bildirib. Ekspert qeyd edib ki, müğənni olduğuna görə, ailəsi onu qəbul etmirdi və buna görə də ailəsində uzun müdddət çox böyük münaqişə yaranmışdı:
“Gənc müğənnilərdən biri mənə ailəsiylə bağlı müraciət etmişdi. Ailəsində çox ciddi problem vardı. Ailəsində heç vaxt sənətə meyillilik olmayıb və sənətə gəldiyinə görə, valideynləriylə yanaşı, qayınata və qayınanası, o cümlədən, həyat yoldaşı belə qəbul etmirdi. Müğənninin özündə isə sənətə qarşı çox ciddi həvəs vardı. Sözsüz ki, biz bu məsələni müsbət nəticə ilə həll etdik. Ailə üzvləriylə tək-tək söhbət etdik və onlara izah etdik ki, istedadı məhv etmək olmaz. Oğlan bank işçisi idi, sonradan sənətə gəlmək istədi ki, bu da ailə tərəfindən sonradan çox böyük müzakirələrə səbəb olmuşdu. Sonda da ailə üzvləri onu anladılar, xüsusiylə də həyat yoldaşı... Bu hadisədən bir il keçir. Bu gün onlar xoşbəxt ailə həyatını yaşayırlar.”
Jurnalist Fuad Mədətovun qısa araşdırması zamanı məlum olub ki, H.Quliyevin bəhs etdiyi gənc müğənni Samin Dənizdir. Jurnalist müğənni ilə əlaqə saxlayıb və o, hadisəni təsdiqləyib:
“Şəxsən mənim ailəmdə ciddi problem olanda, düşünürdüm ki, bu problemi kiminlə çözə bilərəm? İlk növbədə valideynlərimə və yaxın bildiyim dostuma müraciət etdim, amma problemin ağırlığı günbəgün artırdı. Televiziya verilişlərin birində ailə məsələləri üzrə ekspert Hacı Quliyevin ailələrə necə dəstək olduğunun şahidi oldum. İlk növbədə düşündüm ki, bu, sadəcə şou xarakteri daşıyır. Amma sonradan Hacı Quliyev tərəfindən yardım olunan ailələrlə görüşdüm və belə qənaətə gəldim ki, Hacı müəllimə müraciət edim. Elə də oldu. İlk müraciətim zamanı mənə yetəri qədər dəstək oldu və yaxınlarım tərəfindən ailə qurduğum müddət ərzində həll edə bilmədiyimiz məsələləri mərhələli şəkildə həll etdi. Onun dəstəyi ilə xoş və firavan ailədə yaşayıram, sevindim ki, Azərbaycan teleməkanında Hacı Quliyev kimi xalqımıza təmənnasız xidmət göstərən ekspertimiz var!”
Məlumat üçün bildirək ki, müğənni Samin Dəniz bir neçə müsabiqələrin iştirakçısı olub.


Oxşar Xəbərlər

Xəbər lenti


{sape_links}{sape_article}