“Blokda görüb, dalınca düşdüm” - İçkili halda qadına hücum edən şəxs - VİDEO

“Blokda görüb, dalınca düşdüm” - İçkili halda qadına hücum edən şəxs - VİDEO

 

Paytaxtın Nizami rayonunda qadına qarşı quldurluq edilib.

Sozcu.info xəbər verir ki, hadisə Rüstəmov küçəsi, 34 saylı binanın qarşısında baş verib.

Naməlum şəxs qadına hücum edərək ona xəsarət yetirib, içərisində 20 manat olan pul kisəsini götürüb və hadisə yerindən qaçıb. Zərərçəkənin ifadəsi alınandan dərhal sonra cinayəti törədən şəxsin axtarışlarına başlanılıb. Əməliyyat tədbirləri ilə quldurluq etməkdə şübhəli bilinən paytaxt sakini əvvəllər məhkum olunmuş Köşbəyi Muradov saxlanılıb. O, ifadəsində törətdiyi cinayəti etiraf edib.

"İçkili idim. Gördüm blokda, düşdüm dalınca. "Kaşlyok"unu götürdüm çıxdım getdim", - saxlanılan şəxs Köşbəyi Muradov bildirib.

Polis əməkdaşları quldurluq etməkdə şübhəli bilinən bu şəxsin başqa cinayətlərdə iştirak etdiyini də istisna etmirlər. Onun əməllərindən zərərçəkən başqa şəxslər varsa, bu barədə Daxili işlər Nazirliyinin "102" Zəng Mərkəzinə və ya Nizami Rayon Polis İdarəsinə müraciət edə bilərlər.

Faktla bağlı Cinayət Məcəlləsinin müvafiq maddəsi ilə cinayət işi başlanılıb, araşdırmalar aparılır./ARB TV/



Oxşar Xəbərlər

Xəbər lenti


{sape_links}{sape_article}