Rusiya mətbuatı  xəbər verir ki, oktyabrın 29-da 3 saylı şəhər xəstəxanasına göz nahiyəsindən xəsarət alan 48 yaşlı şəxs gətirilib. Məlum olub ki, onu oğurlayıblar və başqa maşına zorla əyləşdirərək Leninqrad vilayətinə aparıblar. Orada onu döyüblər və həyat yoldaşından yarım milyon avro tələb ediblər.

Dünən polis əməkdaşları tərəfindən 31-47 yaş arası dörd nəfər şəxs saxlanılıb. Onların içərisində ən gənc olanı azərbaycanlıdır.

Saxlanılan şəxslər oktyabrın 27-də gecə saatlarında iş adamını "Volkswagen Multiven" markalı mikroavtobusa oturdaraq şəhərdən kənara - Volosovsk rayonunda yerləşən kəndə aparıblar. Biznesmeni orada döyüblər və arvadından külli miqdarda pul tələb ediblər. Pul veriləcəyi vəd olunduqdan sonra iş adamını buraxıblar.

Göründüyü kimi, adam oğruları pulu ala bilməyiblər və özləri həbs olunublar.