Xatırladaq ki, 2018-ci ilin payızında ABŞ "Taliban” hərəkatı ilə sülh danışıqlarına başlayıb. Rəsmi Kabil danışıqlardan kənarda qalıb və yalnız onun nəticələr barədə məlumatlandırılıb. Tərəflər Amerika qoşunlarının Əfqanıstandan tam çıxarılması və ölkə ərazisinin ABŞ və digər dövlətlərə hücum üçün istifadə olunmayacağı barədə zəmanət verilməsi, ümumi atəşkəs və Əfqanıstandakı qüvvələr arasında dialoqun keçirilməsi məsələləri barədə razılığa gəlib. ABŞ-ın Əfqanıstan üzrə xüsusi nümayəndəsi danışıqların doqquz raundunun nəticələrinə əsasən bu ilin sentyabrında taliblərlə sülh haqqında prinsipial razılıq əldə olunduğunu təsdiqləyib. Lakin sonradan ABŞ Prezidenti Donald Tramp əfqanıstanlı həmkarı Əşrəf Qani ilə "Taliban” liderləri arasında Kemp-Deviddəki iqamətgahında məxfi hazırlanan görüşün ləğv olunduğunu elan edib/Azərtac.