Azərbaycanda pambığın 1 tonunun alış qiyməti 50 MANAT ARTIRILDI

Azərbaycanda pambığın 1 tonunun alış qiyməti 50 MANAT ARTIRILDI

 

Kənd Təsərrüfatı Nazirliyinin (KTN) və İqtisadiyyat Nazirliyinin məsul işçilərinin iştirakı ilə pambıq istehsalı və emalı ilə məşğul olan şirkət rəhbərləri ilə görüş keçirilib.

Sozcu.info bildirir ki, KTN-dən verilən məlumata görə, görüşdə bu il görülən işlər, pambıq yığımının gedişi, tədarükü və emalı vəziyyəti, eləcə də qarşıya qoyulan hədəflərə nail olunması üçün həyata keçirilməsi vacib olan məsələlər müzakirə edilib.

Pambıq əkən fermerlərin məhsul istehsalına, yığımına həvəsləndirilməsi və onların maddi rifahının daha da yüksəldilməsi məqsədilə pambığın növlər üzrə mövcud alış qiymətlərinin hər ton üçün 50 manat artırılaraq 2018-ci ilin məhsulu üçün aşağıdakı kimi müəyyənləşdirilməsi barədə razılıq əldə edilib.

2018-ci il
1-ci növ 600-dən 650 manata
2-ci növ 580-dən 630 manata
3-cü növ 540-dan 590 manata
4-cü növ 500-dən 550 manata

Pambığın 1 tonunun alış qiymətinin 50 manat artırılması pambıq istehsalı ilə məşğul olan fermerlərin əlavə olaraq 12 mln. manatdan çox qazanc əldə etməsi gözlənilir.



Oxşar Xəbərlər

Xəbər lenti


{sape_links}{sape_article}