Bu gün Azərbaycanı Avropada layiqincə təmsil edən diaspor təşkilatlarından biri Danimarkada fəaliyyət göstərən "Vətən" Cəmiyyətidir. Cəmiyyətin sədri Səfər Sadiqinin verdiyi məlumata görə, diaspor təşkilatı kimi onların qarşısında duran əsas məsələlərdən biri də burada yaşayan azərbaycanlıları bir araya gətirərməkdir. Bu məqsədlə qrum tərəfindən silsilə tədbirlər həyata keçrilir. Həmin tədbirlər sırasına uşaqların yay tətilinin maraqlı və əyləncəli keçrilməsi də daxildir. Bu məqsədlə hər il azərbaycanlı uşaqların qonşu dövlətlərin iri şəhərlərinə səyahətlərin təşkili, Danimarka dövlətinin  ən böyük şəhərlərində fəaliyyət göstərən müzeylərə ekskursiyaların təşkili və kitabxanalarda maraqlı görüşlərin keçirilməsi nəzərdə tutulur. Diaspor rəhbəri Səfər Sadiqinin  dediyinə görə, hər il olduğu kimi bu il də uşaqların yay tətilinin maraqlı olması üçün, bu günlərdə azərbaycanlı uşaqların  İsvecin Malmo şəhərinə səyahəti baş tutmuşdur. Valideyinlərin müşayyəti ilə Malmo şəhərində olan uşaqlar şəhərin görməli yerləri, tarixi abidələri  ilə tanış olmuşlar. 

  A.Məmmədli,

"Yeni Sözcü”