Səlim Müslümov Hacı İbrahimin qarşısında aciz qalıb

Səlim Müslümov Hacı İbrahimin qarşısında aciz qalıbDövlət Əmək Müfəttişliyi Xidməti ilə oliqarxı hansı tellər bağlayır?
“MTN işi” yalnız Eldar Mahmudovun nazir olduğu vaxt Milli Təhlükəsizlik Nazirliyində baş verən cinayətləri üzə çıxarmaq baxımından əhəmiyyətli deyil. Bu “MTN işi” həm də ayrı-ayrı dövlət strukturularının fəaliyyəti ilə bağlı səslənən tənqidlərə vaxtlı-vaxtında reaksiya verməməyin hansı ağır nəticələrə gətirib çıxaracağını bir daha sübut etdi. Bu baxımdan ayrı-ayrı dövlət qurumları haqqında səslənən tənqidlər ciddi araşdırılmalı, neqativ halların dərinləşərək proses halına çevrilməsinin qarşısını almalıdır.
Son zamanlar redaksiyamıza daxil olan məlumatlara əsasən Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin hansı səbəbdən iflic vəziyyətə düşməsinə aydınlıq gətirəcəyik.
Qeyd edək ki, Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti haqqında Əsasnaməyə görə, Xidmət mülkiyyət və təşkilatı-hüquqi formasından asılı olmayaraq Azərbaycan Respublikasının ərazisində fəaliyyət göstərən Azərbaycan Respublikasının hüquqi şəxsləri, xarici hüquqi şəxslərin filial və nümayəndəlikləri və hüquqi şəxs yaratmadan sahibkarlıq fəaliyyəti ilə məşğul olan fiziki şəxslər tərəfindən Azərbaycan Respublikasının Əmək Məcəlləsinə və Azərbaycan Respublikasının əmək qanunvericiliyi sisteminə daxil olan digər normativ hüquqi aktların tələblərinə əməl olunmasına dövlət nəzarətini həyata keçirən icra hakimiyyəti orqanıdır. Ancaq bu yalnız kağız üzərində belədir və reallıqda isə Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti ayrı-ayrı oliqarxların, iş adamlarının və sahibkarların maraqlarının müdafiəçisidir. İctimaiyyətin Hacı İbrahimSəlim Müslümov Hacı İbrahimin qarşısında aciz qalıb Nehrəmli kimi tanıdığı, İbrahim İbrahimovun prezidenti olduğu “Avesta Konserni” MMC-də işləyib, ancaq əmək haqqlarını ala bilməyən işçilərinin Əmək və Əhalinin Sosial Müdafiəsi naziri Səlim Müslümova yazdıqları şikayət ərizəsinə ƏƏSMN yanında Dövlət Əmək Müfəttişliyi Xidmətinin rəsmlərinin şikayətçilərə verdikləri cavab bu qurumun oliqarxların və zənginlərin müdafiəçisinə çevrildiyini də, nazir Səlim Müslümovun aciz duruma düşdüyünü də çox bariz şəkildə ortaya qoyur. “Avesta Konserni” MMC-də işləyib, ancaq Hacı İbrahim Nehrəmlidən əmək haqqlarını ala bilməyən Rufan Həsən oğlu Qasımov və Süleymanov Ağababa Həsən oğlu əmək hüquqlarının bərpa olunmasına yardım etməsi məqsədi ilə ayrı-ayrılıqda Əmək və əhalinin sosial müdafiəsi naziri Səlim Müslümova müraciət edirlər. Nazirlikdən isə hər iki şəxsin ərizəsi ƏƏSMN yanında Dövlət Əmək Müfəttişliyi Xidmətinə göndərilir. Xidmətdən isə aidiyyatı üzrə 2 saylı region üzrə Dövlət Əmək Müfəttişliyinə göndərilir. 2 saylı region üzrə Dövlət Əmək Müfəttişliyinin rəisi Aqşin Əhədovun şikayətçilərə və ərizəsi ƏƏSMN yanında Dövlət Əmək Müfəttişliyi Xidmətinin rəisi cənab Fuad Əlizadəyə göndərdiyi məktublar Səlim Müslümov Hacı İbrahimin qarşısında aciz qalıbdövlətin mühüm strukturlarından birinin kredit oliqarxı qarşısında necə aciz duruma düşdüyünü göstərir. Şəhidlərin qanı bahasına qurulmuş dövlətin belə acınacaqlı vəziyyətə düşməsinə etinasız qalmaq mümkün olmasa da, görünür ki bu vəziyyət nazir Səlim Müslümovu azacıq da olsa narahat etmir. Yaranmış vəziyyətin nə qədər acınacaqlı olduğunu göstərmək üçün 2 saylı region üzrə Dövlət Əmək Müfəttişliyinin rəisi Aqşin Əhədovun imzası ilə şikayətçilərdən birinə, Rufan Həsən oğlu Qasımova, sürəti isə ƏƏSMN yanında Dövlət Əmək Müfəttişliyi Xidmətinin rəisi cənab Fuad Əlizadəyə göndərdiyi məktubla tanış olmaq yetərlidir. Aqşin Əhmədov şikayətin araşdırılması ilə bağlı cavab məktubunda yazır: “Sizin “Avesta Konserni” MMC-dən əmək haqqı borcunuzu ala bilməməyinizlə bağlı Azərbaycan Respublikası Əmək və Əhalinin Sosial Müdafiəsi Nazirliyinə daxil olmuş müraciətiniz 2 saylı region üzrə Dövlət Əmək Müfəttişliyi tərəfindən araşdırıldı. Məlum oldu ki, Müəssisənin Sizə əmək haqqı borcu yaranmışdır. Müəssisə rəhbərliyinin 2 saylı region üzrə Dövlət Əmək Müfəttişliyinə ünvanladığı 146 nömrəli, 19. 10. 2015-ci il tarixli məktubunda Müəssisənin Sizə yaranmış borcunu növbəti ilin yanvar ayınadək ödəniləcəyinə zəmanət vermişlər”. Əmək Məcəlləsinə və digər qanunvericilik aktlarına tamamilə ziddiyət təşkil edən belə bir cavab məktubu Səlim Müslümovun başçılıq etdiyi Əmək və Əhalinin Sosial Müdafiəsi Nazirliyinin, eləcə də Nazirliyin yanında Dövlət Əmək Müfəttişliyi Xidmətinin necə aciz durumda olduğunu göstərir. Əmək və Əhalinin Sosial Müdafiəsi naziri Səlim Müslümovun vətəndaşların əmək hüquqlarını qoruya bilmədiyini və kredit oliqarxı qarşısında aciz duruma düşdüyünü 2 saylı region üzrə Dövlət Əmək Müfəttişliyinin rəisi Aqşin Əhmədovun başqa bir şikayətçiyə, Ağababa Süleymanova ünvanladığı cavab məktubu da bir daha təsdiq edir. Belə ki, Aqşin Əhmədov S-1383 saylı, 05.10.2015-ci li tarixli məktubunda Ağababa Süleymanova yaranmış vəziyyətlə bağlı məhkəməyə müraciət etmək hüququ olması haqqında məlumat verir. Bu iki məktub Dövlət Əmək Müfəttişliyi Xidmətinin bir dövlət strukturu kimi tamamilə iflas etdiyini, bu qurumun fəaliyyətinə əsas cavabdeh şəxs olan nazir Səlim Müslümovun isə vəziyyəti dəyişmək gücündə olmadığını çox bariz şəkildə göstərir.
Hacı İbrahim Nehrəmli tərəfindən hüquqları pozulan “Avesta Konserni” MMC-nin sabiq əməkdaşları bildirirlər ki, dövlət qurumlarının kredit oliqarxı qarşısında aciz duruma düşməsi səbəbsiz deyil. Hacı İbrahim Nehrəmli zamanında bütün dövlət qurumlarında öz adamlarını yerləşdirdiyini və onların hesabına problemlərini həll etdiyini işçilərinin yanında dəfələrlə dilə gətirib. Belə görünür ki, Hacı İbrahim Nehrəmlinin bu sözləri əsassız deyilmiş. Çünki, “Avesta Konserni” MMC-də əmək hüquqları pozulanların şikayətləri bir qayda olaraq 2 saylı region üzrə Dövlət Əmək Müfəttişliyinin müfəttişi Yunus Ələkbərova həvalə olunur. Yunus Ələkbərov isə Hacı İbrahim Nehrəmlinin kredit üzərində qurulmuş biznes imperiyasının tərkib hissəsi olan “Avesta Construction” MMC-nin direktoru Ələsgər Ələkbər oğlu Əsgərovun bacısı oğludur. VÖEN nömrəsi 1501754911 olan “Avesta Construction” MMC- i Hacı İbrahim Nehrəmlinin Nərimanov rayonu, keçmiş Teymur Əliyev, indiki Məmməd Araz küçəsi 71 A-da ünvanında yerləşən “Avesta Konserni”nin 13 mərtəbəli binasında hüquqi qeydiyyatdadır. Əslən Nehrəm kəndindən olan Yunus Ələkbərov dayısı Hacı İbrahim Nehrəmlinin oyunlarının fəal iştirakçısıdırsa, bu müfəttişin, şikayətçilərin ərizələrini qanuna uyğun araşdıracağını gözləmək üçün yəqin ki, Səlim Müslümov kimi nazir, Fuad Əlizadə kimi xidmət rəisi, Aqşin Əlizadə kimi Müfəttişlik rəisi olmaq lazımdır. Bu üç şəxsin, yəni nazir Səlim Müslümov başda olmaqla Xidmət rəisi Fuad Əlizadənin və Müfəttişlik rəisi Aqşin Əhmədovun kredit oliqarxı Hacı İbrahim Nehrəmli qarşısında acizliyi vətəndaşlarda dövlətə inamını sarsıdır. Çox təəssüf ki, prezident İlham Əliyevin idarəçiliyi vətəndaşların nəzərində şübhə altına alınmasına imkan verənlər dövlət başçısının nazir, xidmət rəisi kimi yüksək vəzifələri etibar etdiyi şəxslərdir. Məhz belə məqamlara qiymət verilməməsi “Eldar Mahmudov fenomeni”ni doğurur.
Növbəti sayımızda:
Hacı İbrahim Nehrəmlinin “qoca kaftar” adlandırdığı dövlət rəsmisinin kimliyinə və bu şəxsin Azərbaycan Beynəlxalq Bankının kredit fırıldaqlarının üstünün açılmasındakı roluna aydınlıq gətirməyə çalışacağıq. Eyni zamanda Azərbaycan Respublikasının insan hüquqları üzrə müvəkkilinin (ombudsman) Hacı İbrahim Nehrəmli qarşısında aciz duruma düşməsindən, kredit oliqarxlarının prezidentin məmurları vəzifələrindən niyə azad edə bilməməsi haqqında fikirlərinin nədən ibarət olmasından növbəti araşdırmamızı oxumaqla xəbər tutacaqsınız.
“Yeni Sözçü” qəzetinin Araşdırma Qrupu


Oxşar Xəbərlər

Xəbər lenti


{sape_links}{sape_article}