İstehsal müəssislərindən götürülmüş nümunələrdə "AER Company Qrup” MMC-nin istehsal etdiyi "Çudo” şokoladlı, "AER” plombir şokoladlı, "AER” plombir vanilli, "Yasif” plombir və "Melisa”, "Band Milk” MMC-nin istehsal etdiyi "Nostalji” plombir, "Briket-krem brule” və vafli stəkanda olan qaymaqlı-şokoladlı, həmçinin fiziki şəxs Sərngül Yusubovanın istehsal etdiyi "Bakinskiy privet” plombir, "Meqapolis” şokoladlı plombir, "Cappuçino” qəhvəyi, "Matryoşka” plombir, "Selena” şokoladlı plombir, "Panda” südlü, "Meçta” şokoladlı plombir, "Arktika” şokoladlı plombir, "Tanqo” şokoladlı və "Tanqo” cemli dondurmalarında bağırsaq çöpləri qrupundan olan bakteriyaların (koliformlar) miqdarının normativ sənədlərdə nəzərdə tutulmuş miqdardan artıq olduğu müəyyən edilib.

Eyni zamanda, fiziki şəxs Müzəffər Poladovun istehsal etdiyi "Mono Quality” badamlı, "Bakı gecələri” plombir, "Armada”, "Eskimo Yoloçka”, "Yeni şəhər” plombir, "S.A.B.A. Şirkəti” MMC-nin istehsal etdiyi "İçəri şəhər” qəhvəyi, "İçəri şəhər” qəhvəli, "Prestij” çiyələkli, "Prestij” qozlu, "Əsl” plombir, "A.Y.S-60” MMC-nin istehsal etdiyi dondurmalarda bağırçaq çöpü aşkarlanıb.

"AER Company Qrup” MMC və fiziki şəxs Sərngül Yusubovaya məxsus dondurmalarda mezofil-aerob vefakultativ-anaerob mikroorqanizmlərin də miqdarının normativ sənədlərlə müəyyən olunmuş normativdən artıq olduğu aşkar edilib.