Azərbaycan Prezidenti İlham Əliyev bu gün xalqa müraciət edib.
Sozcu.info xəbər verir ki, müraciət AzTV vasitəsi ilə yayımlanır…
Prezident bildirib ki, xalqımız döyüş meydanından, cəbhə bölgəsindən səbirsizliklə yeni xəbərlər gözləyir:
“Mən xoşbəxt adamam ki, bu şad xəbərləri Azərbaycan xalqına çatdırıram. Hər bir kəndin, hər bir şəhərin, hər bir strateji yüksəkliyin işğalçılardan azad edilməsi böyük peşəkarlıq, cəsarət, rəşadət, qəhrəmanlıq tələb edir. Bizim hərbçilərimiz şəhid olurlar. Allah bütün şəhidlərimizə rəhmət eləsin. Şəhidlərimiz həmişə bizim qəlbimizdə yaşayacaq. Bizim hərbçilərimiz döyüş meydanında yaralanırlar. Allah bütün yaralı hərbçilərimizə şəfa versin”.
Prezident deyib ki, artıq status-kvo yoxdur: “Biz bu status-kvonu döyüş meydanında dəyişdik…”.
Prezident daha sonra növbəti şad xəbəri verib. İlham Əliyev bildirib ki, Ermənistan indi bəyanat verib, torpaqlarımızdan geri çəkildiyini bəyan etməlidir.
İlham Əliyev daha sonra növbəti şad xəbəri verib. O, düşmənin məhv edilmiş itkilərini açıqladıqdan sonra deyib ki, Füzulidə 4 çinar, Kürdlər, Aşağı Veysəlli, Yuxarı Aybasanlı, Cəbarayılın bdaha bir neçə kəndi, Zəngilan şəhəri və daha bir neçə kənd düşməndən azad edilib.