İlham Əliyev əfv sərəncamı imzaladı

Prezident İlham Əliyev "Məhkum edilmiş bir sıra şəxslərin əfv olunması haqqında" sərəncam imzalayıb.

Bu barədə Prezident yanında Əfv Məsələləri Komissiyasının üzvü, deputat Azay Quliyev məlumat verib.

Sərəncam məhkum olunmuş bir sıra şəxslərin, onların ailə üzvlərinin, İnsan hüquqları üzrə müvəkkilin, insan hüquqlarının müdafiəsi təşkilatlarının Azərbaycan Prezidentinə ünvanlanmış əfv haqqında müraciətlərinə baxaraq, məhkumların şəxsiyyətini, səhhətini, ailə vəziyyətini, cəza çəkdikləri müddətdə davranışlarını nəzərə alaraq, humanizm prinsiplərinə əsaslanaraq, Azərbaycan Respublikası Konstitusiyasının 109-cu maddəsinin 22-ci bəndini rəhbər tutaraq verilib.

Sərəncam ümumilikdə 210 nəfərə şamil edilir.

"Cənab prezident gözlənilən əfv sərəncamını imzaladı və 210 nəfər cəzanın qalan hissəsindən azad edildi. Cənab prezidentə qəbul etdiyi belə bir humanist qərara görə təşəkkürümü bildirir və əfv olunanları isə təbrik edirəm” - deyə A.Quliyev öz facebook səhifəsində yazıb.



Oxşar Xəbərlər

Xəbər lenti


{sape_links}{sape_article}