Dünən bütün ölkədə 20 yanvar şəhidlərinin anım mərasimi keçirildi. Prezident İlham Əliyev də yanvarın 20-də - Ümumxalq Hüzn Günündə Şəhidlər xiyabanında 20 Yanvar şəhidlərinin xatirəsini yad edib, "Əbədi məşəl” abidəsi önünə əklil qoyub. Paytaxt Bakıda dövlət başçısının, dövlət və hökümət rəsmiləri iştirakı ilə 20 yanvar şəhidləri anıldığı bir gündə Ağcabədidə məmurların Etibar adlı bir sahibkardan qanunsuz tələbləri vətəndaş məmur qarşıdırmasına səbəb olub. Əraziyə polis qüvvləri cəlb edildikdən sonra gərginliyin böyüməsinin qarşısı alınıb. Ancaq belə hadisənin 20 yanvar günü baş verməsinin özü utancvereici haldır. Xəbərlə bağlı Ağcabədi rayon İcra Hakimiyyətinin rəsmi şəxslərinin də mövqeyini dinləməyə hazırıq.