Cəza alan deputat Bəhruz Məhərrəmov açıqlama yaydı

Xəbər verdiyimiz kimi Milli Məclisin İntizam komissiyasının iclasında deputat Bəhruz Məhərrəmov barəsində intizam tədbirinin tətbiq edilməsi məsələsinə baxılmışdı.
Komissiyanın iclasında belə qərar qəbul edilib ki, parlamentin 2020-ci il noyabrın 6-da keçirilən plenar iclasında İran və İranın ali rəhbərinin ünvanına deputat B.Məhərrəmovun səsləndirdiyi fikirlər Azərbaycanla İran arasında dostluq və mehriban qonşuluq münasibətlərinin ruhuna ziddir.
Müzakirələrin yekunu olaraq, İntizam komissiyası deputat Bəhruz Məhərrəmov barəsində töhmət intizam tədbirinin tətbiq edilməsi haqqında qərar qəbul edib.
Bu qərardan sonra B.Məhərrəmov açıqlama verərək səhvini qəbul etdiyini deyib.
Deputat özünün rəsmi feysbuk səhifəsində bunları yazıb:
"Böyük təəssüf hissi ilə nəzərinizə çatdırım ki, ötən gün Parlamentdə İran-Ermənistan münasibətləri barədə çıxışımın məzmunu Azərbaycan və İran İslam Respublikası arasında dostluq və mehriban qonşuluq münasibətlərinin ruhuna zidd hesab edilərək İntizam komissiyası barəmdə töhmət intizam tədbirinin tətbiq edilməsi haqqında qərar qəbul edib.
Komissiyanın və Parlament rəhbərliyinin qərarına hörmətlə yanaşır, milli maraqları rəhbər tutmaqla, Prezident İlham Əliyevin siyasi xəttinə sadiq qalaraq, Onun rəhbərliyi altında daha güclü Azərbaycan naminə fəaliyyətimizi inamla davam etdiririk".
photo_2020-11-08_01-20-53 (2).jpg (174 KB)


Oxşar Xəbərlər

Xəbər lenti


{sape_links}{sape_article}