Əvvəlki Sonrakı

BAKIDA ƏMLAK QİYMƏTLƏRİ YENİDƏN ARTDI Regionlar üzrə qiymətlər + CƏDVƏL

7-07-2026, 21:32

Prezident ARDNF ilə bağlı ÖNƏMLİ QƏRARI təsdiq etdi

7-07-2026, 01:18

Tramp İranı atəşkəsi pozmaqda ittiham edib

26-06-2026, 21:14

İlham Əliyev Sərdar Berdiməhəmmədovu Füzulidə qarşıladı -FOTO

23-06-2026, 12:29

Bakının bəzi ərazilərində işıq kəsiləcək

23-06-2026, 00:52

Əlillərin sosial təminatına ayrılan vəsait niyə geri qaytarılmır? - NARAZILIQ...

 "Əmək və Əhalinin Sosial Müdafiəsi Nazirliyinin rəhbərliyi minlərlə şəxsin əlillik dərəcələrinin ləğv edilməsi ilə büdcədən gələcəkdə ayrılacaq on milyonlarla manat vəsaitə qənaət edildiyini bildirib. Bəri başdan onu deyək ki, ƏƏSMN -in, eləcə də digər icra hakimiyyəti orqanlarının məhkəmə qərarı olmadan təyin olunmuş əlillik dərəcəsini , yaxud digər güzəşti ləğv etmək hüququ yoxdur". Bu barədə DİA.AZ-a bir qrup Qarabağ əlili adından edilən müraciətdə bildirilir.

Daha sonra narazı əlillər qeyd edir "Qanunun aliliyi, hüququn üstünlüyü baxımından icra hakimiyyəti orqanı, ən yaxşı halda, məhkəmədə iddia qaldırmalıdır və yalnız məhkəmənin qərarına uyğun olaraq tədbirlər həyata keçirilməlidir. Eyni zamanda, büdcəyə daxil olan bu vəsaitlər hesabına gerçək əlillərin sosial təminatında irəliləyiş olmaması da düşündürücüdür. Elə bu düşüncələrin sonunda əlillər belə hesabatlarla maraqlanmır və bunun onlara aid olmadığını qət edirlər.

Maraqlıdır, ƏƏSMN əlillərin sosial təminatı , müdafiəsi üçün nəzərdə tutulan əmlakı, vəsaiti geri qaytarmaq haqqında düşünürmü? Hansısa əlilin pozulmuş hüquqlarının bərpası üçün ƏƏSMN və yanındakı xidmət qurumları nəsə edirmi? Axı, əlillərin sosial, hüquqi müdafiəsinə cavabdeh olan başlıca qurum elə sözügedən nazirliyin özüdür. Prezidentin özü də dəfələrlə bəyan edib ki, bütün qurumların nümayəndələri, məmurlar xalqa xidmət etməlidir və xalqın bir nömrəli xidmətçisi də elə özüdür. Hansısa əlilin “çörək, dərman pulu” dərəcəsini təyin edib, sonra da ləğv etmək bəyəm xidmət sayılır? Bəlkə ƏƏSMN rəhbərliyinin əlillərin Nabrandakı istirahət mərkəzinin nazirliyin əməkdaşı, ləğv edilən Əlillərin Sosial Müdafiəsi Fondunun müdiri İbrahim Heydərovun qardaşının adına sənədləşdirib şəxsi biznesinə çevirməsindən xəbəri yoxdur? Sözügedən fondun vəsaiti hesabına iş adamı İman Quliyevin (“Real” TV-nin, “Şərqsaray” şadlıq evinin, “Xalqlar Dostluğu” ticarət mərkəzinin və s. yiyəsi ) tikdiyi Bakıdakı Ziya Bünyadov küçəsindəki böyük ticarət mərkəzinin də əlillərin təminatından alınmasından xəbəri yoxdur? Əlillərin bərpa mərkəzlərinin karantini rejimini bəhanə edib işləməməsindən necə? Bakının Nərimanov rayonunda 11 il qabaq tikilən əlil və şəhid ailələrinin evinin zəbt olunması bir yana, adi pandüsünün, istirahət guşəsinin, bir ağacının, uşaq meydançasının, hətta kanalizasiyasının belə olmamasına görə niyə evin sifarişçisi olan ƏƏSMN heç bir tədbir görmür? Niyə Prezidentə bu barədə nazir məlumat vermir, məhkəmədə iddia qaldırılmasını təmin etmir? Niyə Bakının Nizami rayonunda əlil və şəhid ailələrinə tikilən ev Vüqar Behbudov, Rövizə Behbudova və digərləri tərəfindən gizlin bölünür və qanunvericiliyin tələblərinə əməl edilmir? ƏƏSM naziri Sahil Babayev bu məmurları cəzalandırılmaq əvəzinə daha yüksək vəzifəyə təyin edir! (?) Deyəsən, axı, “ torbada pişik var”! Əlillərin sosial təminatını alver predmetinə çevirən şəxsin xidmətin rəhbəri təyin edilməsi əlillər üçün nəzərdə tutulan vəsaitin ,əmlakın ünvanına çatmayacağını deməyə əsas verir.

Prezidentin sosial-iqtisadi sahəyə ayırdığı vəsaitin hara getdiyini soruşacağı gün də uzaqda deyil. Görəsən, ƏƏSMN rəhbərliyi buna nə cavab verəcək?"


Oxşar Xəbərlər

“Belə çıxır ki, ölkənin yarısı ya əlildir və ya da…” – Deputatlardan nazirə irad
Saxta əlilliyə görə verilən pullar həm vəzifəli şəxslərdən, həm də vətəndaşdan tutulacaq
“Qotur danaları dəyərindən baha alıb insanlara satdılar”
“Saxta əlillik təyinatları ləğv edilir” - NAZİR

Xəbər lenti

PRİZMA

Azər Məmmədov: “Şuşa Qlobal Media Forumu siyasi məzmunu və verdiyi strateji mesajlar baxımından önəmli beynəlxalq platformaya çevrilib”
Azər Məmmədov: “Şuşa Qlobal Media Forumu siyasi məzmunu və verdiyi strateji mesajlar baxımından önəmli beynəlxalq platformaya çevrilib” -Müshibə

MÜSAHİBƏ

TƏHLİL

ABŞ-ın İrana qarşı hərbi əməliyyatlarının xərci 132 milyard dolları ötüb
ABŞ-ın İrana qarşı hərbi əməliyyatlarının xərci 132 milyard dolları ötüb

SOSİAL