Gürcüstanın Samtsxe-Cavaxeti regionunda yaşayan ermənilərin 90%-zi RF və ya Ermənistan vətəndaşı olub. Lakin Gürcüstan vətəndaşlığından çıxmayıblar. Yəni bunun üçün heç bir erməni Gürcüstanın rəsmi orqanlarına müraciət etməyib. Müzakirə zamanı bildirlib ki, dövlət orqanları bu məsələyə ciddi əhəmiyyət verməli və bir tədbir görməlidir. Əks təqdirdə bir neçə vaxtdan sonra Samtsxe-Cavaxeti regionunda 2-ci Qarabağ senarinin təkrarlanması istisna deyil. Forumda vurğulanıb ki, Moskvada fəaliyyət göstərən və Rusiya xüsusi-xidmət orqanları tərəfindən maliyyələşdirilən “Rusiya Cavaxk Diasporası”nın rəhbəri Ara Abramyan son zamanlar Axalkalaki və Ninotsminda rayonlarına Ermənistan ərazisindən 2 dəfə baş çəkib. Özü də Saakaşvilinin iqtidarı dövründə Gürcüstanda arzuolunmayan şəxs elan edilən Ermənistan parlamentinin deputatı Şirak Torosyanla birlikdə. Portal belə yazır: “Əldə etdiyimiz məlumatlara əsasən, A.Abramyan və deputat Ş.Torosyan, separatçılar Vaaqn Çaxalyan və David Rstıkyanla regiondakı və Qarabağdakı vəziyyəti müzakirə ediblər. Yerli icra hakimiyyətinin bəzi nümayəndələrindən aldığımız məlumatlara görə, onlar döyüş hünəri olan yerli sakinləri müharibənin başlanması mümkünlüyü məqsədi ilə Qarabağa dəvət etmək istəyirlər. Əgər bu həqiqətdirsə Gürcüstan rəhbəriyi məsələyə ciddi yanaşmalıdır. Qeyd edək ki, bölgədə hər cür təxribatın yaranması mümkünlüyü mövcuddur. “Gürcü Arzusu Koalisiyası”na və onu yaradan Bidzina İvanişviliyə hörmətimiz böyükdür. Lakin separatçı V.Çaxalyanı azadlığa buraxmaqla və Ş.Torosyanın “arzuolunmayan şəxs” qərarını ləğv etməklə, mövcud hakimiyyət ciddi səhvə yol vermiş oldu. Hamımız yaxşı bilirik ki, regionda (öz vaxtında Axalkalakidəki 62-ci rus bazasında xidmət edən) bir çox erməninin evində külli-miqdarda silah-sursat və partlayıcı maddələr saxlanılır. Fikrimizcə, regionla bağlı koalisiya düzgün və effektli plan üstündə işləməlidir”.
Niyazi Hüseynov