Avqustun 25-də "Röyter” xəbər agentliyi Pentaqon rəsmisinə istinadən Hörmüz boğazında İranın 4 sürətli hərbi katerinin ABŞ Hərbi Dəniz Qüvvələrinə məxsus "Nitse” raket eskadrasını ələ keçirməsi barədə xəbərlər yaymışdı.  

Məlumatda ABŞ hərbçilərinin israrla  beynəlxalq sularda olduqları və İran sərhədini pozmadıqlarını söylədikləri də bildirilmişdi. Pentaqon rəsmisi İranın bu hərəkətini qeyri-professional və beynəlxalq hüquq normalarına zidd adlandırmışdı. 

Lakin ən maraqlısı bunlar deyil. Rusiyanın lenta. ru saytının insident barədə yaydığı məlumatda digər bir məqam diqqəti cəlb edir. ABŞ-ın "Nitse” raketdaşıyan gəmisinin yanında "Mason” adlı digər gəmi də olub.  Hər iki gəmi  boğaz vasitəsilə gündəlik tranziti həyata keçrirmişlər. Lakin İran hərbçiləri  "Mason” gəmisinə qarşı heç bir tədbir görməyiblər... 

Qeyd edək ki, "Mason”  raketdaşıyıcı hərbi eskadrası ABŞ Hərbi Dəniz Qüvvələrinin ən mükəmməl qurğularından biri olmaqla Raket Hücumundam Müdafiə Qüvvələrinin sisteminə daxildir. Ağır torpeda silahlarına malikdir. Göyərtəsində hava obyektlərinin axtarışı və məhvini təmin edən qurğular mövcuddur.

O da maraqlıdır ki, "Mason” gəmisi 2008-ci ilin avqustunda  Rusiyanın Gürcüstana hərbi müdaxiləsindən sonra  bir müddət Qara dənizin Gürcüstan sahillərində də görünmüşdü...