Bunu ''Xəzər Xəbər''ə açıqlamasında İpoteka və Kredit Zəmanət Fondunun baş direktoru İlham Kələşov deyib.

Onun sözlərinə görə, hazırda sistemdə yaranan problemlərin aradan qaldırılması üçün aidiyyətli dövlət qurumları ilə birgə işlər görülür.
İlham Kələşov elektron sistemin çökməsinin səbəblərini də açıqlayıb.

Qeyd edək ki, İpoteka və Kredit Zəmanət Fondunun təklif etdiyi mənzillərin 208-i Bakının Nizami rayonu, Mehdi Abbasov küçəsində, 40-ı Xətai rayonu, Gəncə prospektində, 58-i Abşeron rayonu, Xırdalan şəhəri 2-ci məhəllədə, 25-i isə Sumqayıt şəhəri, Sülh küçəsində yerləşir. Tam təmirli mənzillərin bir kvadratının qiyməti Bakıda 2210-2130, Sumqayıtda 2150, Xırdalanda isə 1800 manata başa gəlir.

Ancaq apardığımız araşdırma zamanı məlum oldu ki, Bakıda İpoteka və Kredit Zəmanət Fondunun təklif etdiyi mənzillərin yerləşdiyi ərazidə tam təmirli mənzillərin bir kvadratı 1200-1500 manat arasında, Sumqayıtda isə 1000-1100 manat arasında dəyişir. Yəni İpoteka və Kredit Zəmanət Fondunun təklif etdiyi kirayə mənzillərin qiyməti hazırkı bazar qiymətlərindən təxminən iki dəfəyədək bahadır. İlham Kələşov qiymət fərqinə də aydınlıq gətirib.

Bakıda mənzillərin aylıq ödəniş qiyməti 411 manatdan, Xırdalanda 333 manatdan, Sumqayıtda isə 297 manatdan başlayacaq.