Bakıda mebel şirkətlərinin birinin direktoru olan 1986-cı il təvəllüdlü Fərid Əliyev koronavirus xəstəliyindən vəfat etdiyi bildirilir.
Yaxınları bildirilib ki, əvvəldən heç bir xəstəliyi olmayan F.Əliyev koronavirusa yoluxub, lakin ilk günlərdə bunun adi qrip olduğunu zənn edib və həkimə müraciət etməyib.

Evdə özünü müalicə etməyə çalışan F.Əliyev nəfəs çatışmazlığından vəfat edib.

Qohumları qeyd ediblər ki, F.Əliyevdə son günlər yüksək temperatur, öskürək və boğulmalar olub.

Azərbaycanda daha bir həkim də koronavirus səbəbindən dünyasını dəyişib. Unikal.org xəbər verir ki, bu barədə endokrinoloq Yeganə Muradova məlumat verib.

O, sosial media hesabında paylaşım edərək, travmatoloq Mehman Hüseynovun koronavirus qurbanı olduğunu bildirib: "Virusa inanmıram deyənlər, biz bu gün tələbə yoldaşımızı, kolleqamızı itirdik. Son ana qədər inanırdıq ki, o, sağalacaq. Allah rəhmət eləsin. Allah ailəsinə səbr versin”.