18-04-2024, 19:45
1-04-2024, 15:01
16-03-2024, 14:33
14-03-2024, 23:00
11-03-2024, 15:40
Pakistanın Bəlucistan əyalətinin Kvetta şəhərinin Zarqun-Roud rayonunda kamikadzenin protestant kilsəsinə hücumu nəticəsində həlak olanların sayı doqquz nəfərə çatıb, 50-dən artıq insan yaralanıb.
AzərTAc xəbər verir ki, əyalətin daxili işlər naziri Sarfaraz Buqti jurnalistlərə müsahibəsində yaralıların çoxunun vəziyyətinin ağır olduğunu bildirib.
Son məlunata görə, hadisəni törədən iki terrorçudan birini polis məbədə girərkən güllələyib, digəri isə kilsənin içərisinə girərək özünü partladıb. Partlayış vaxtı kilsədə 400-ə yaxın adam olub.
Qanlı hadisəyə görə məsuliyyəti İŞİD terror təşkilatı artıq öz üzərinə götürüb.
Pakistan prezidenti Məmnun Hüseyn terror aktını pisləyib, həlak olanların yaxınlarına başsağlığı verib. Dövlət başçısı deyib ki, Pakistan bundan sonra da terrorçuların məhv edilməsi ilə bağlı kəskin tədbirlər görəcək.
***14:20
Pakistanda protestant kilsəsində ibadət zamanı 4 terrorçu-kamikadze özünü partladıb. Nəticədə azı 5 nəfər ölüb, 20 nəfər yaralanıb.
"Report” xəbər verir ki, hadisə yerinə xilasedicilər və polis əməkdaşları cəlb olunub.
Bundan əlavə, partlayış baş verən ərazidə atəş səsləri eşidilir.
Bəlucistan əyalətinin daxili işlər naziri Sarfaz Buqti bildirib ki, terrorçulardan biri kilsə yanında zərərsizləşdirilib.
