ABŞ-ın dövlət katibi Reks Tillerson 11-16 fevral tarixlərində İordaniya, Türkiyə, Livan, Misir və Küveytə səfər edəcək.

"Report” xəbər verir ki, bu barədə Dövlət Departamentinin mətbuat xidmətinin rəhbəri Hizer Noyertin cümə axşamı yayılan yazılı bəyanatında deyilir.

Bildirilir ki, səfər zamanı terrorçuluqla mübarizəyə dair tədbirlər müzakirə olunacaq.

"ABŞ-ın dövlət katibi Reks Tillerson Əmman (İordaniya), Ankara (Türkiyə), Beyrut (Livan), Qahirə (Misir) və Əl-Küveytə (Küveyt) 11-16 fevralda səfər edəcək", - deyə sənəddə qeyd olunur.