Kürdəmirdə seçki qalmaqalı

Kürdəmirdə seçki qalmaqalıMilli Məclisə seçkilərə yarimay qalıb. Artıq bir neçə gündür ki, təbliğat-təşviqat kampaniyasına start verilib.

Kürdəmir rayonundan gələn məlumatlara əsasən burada təbliğat-təşviqat kampaniyası qalmaqalla müşahidə olunur. Belə ki, 11 nəfərin namizədliyinin qeydə alındığı 57 saylı Kürdəmir seçki dairəsi üzrə namizədlərdən yalnız birinin təbliğatı aparılır.

Rayonun idarə, müəssisə rəhbərlərini və seçki məntəqələrinin sədrlərini bir araya toplayan Kürdəmir rayon İcra Hakimiyyəti Başçısı Ceyhun Cəfərov onlara 1 Noyabr seçkilərində qutulardan Müslüm Məmmədovun adının çıxmalı olduğu tapşırığını verib.

Seçkiqabağı təşviqat plakatlarının asılmalı olduğu yerlərdə yalnız Müslüm Məmmədovun şəkilləri asılıb. 13 oktyabr 2015-ci ildə Müslüm Məmmədov başçının tapşırığı ilə Rayon Mərkəzi Xəstəxanasında onun üçün təşkil edilmiş görüş zamanı həkimlərin etirazı ilə qarşılanmış, həkimlərin "Kürdəmirdə kişi yoxdurmu, sən burdan namizədliyini vermisən” sualına Müslüm Məmmədovun cavabı "belə məsləhət bilinib”, - deyə olub. Etirazın artdığını görən baş həkim isə aranı sakitləşdirərək görüşü yarımçıq saxlamaq məcburiyyətində qalıb.

Qeyd edək ki, Belçika Krallığının Brüssel şəhərində Azərbaycan Kommunikasiya Ofisinin Rəhbəri olan Müslüm Məmmədov Ucar rayon sakinidir. 2009-cu ildən Belçika Krallığında yaşayan Müslüm Məmmədovu Kürdəmir rayonuna bağlayan hər hansı bir əlaqə yoxdur.


Oxşar Xəbərlər

Xəbər lenti


{sape_links}{sape_article}