Xalq artisti Flora Kərimova Xəzər telekanalında yayımlanan "Ay Zaur" proqramının qonağı olub.
Sozcu.info xəbər verir ki, sənətçi qələbə xəbərlərini gözyaşları ilə qarşıladığını deyib. O, yeganə arzusunun Şuşaya getmək olduğunu bildirib:
“Ancaq Şuşaya görə sevinsəydim eqoistlik olar. "Qarabağı qaytardıq" deyilsə, bəlkə bağrım çatlayacaq. O şad xəbərə dözə bilməzdim. Sizə qəribə gəlir ki, ağlayıram. 80 yaşım olacaq, vətənsiz, Qarabağsız ölmək istəmirəm. 80 yaş... Hər il, hər ay, hər dəqiqəm qazancdır. Əlim ora çatsın, anamın ruhundan, torpağımdan üzr istəyim”.