Akademik M.Mirqasımov adına Respublika Klinik Xəstəxanası hamiləlik zamanı sağlam olduğu, lakin keysəriyyə əməliyyatı ilə doğulduqdan sonra iddia edilən, öldükdən sonra isə uşağın meyitinin valideynlərinə verilməməsi, onun 7 yeni doğulan körpə ilə birlikdə qəbiristanlıqda bir yerdə basdırılmasına münasibət bildirib.

Xəstəxanaın baş həkiminin müavini Mahir Babayev Trend-ə bildirib ki, şikayət edən 37 yaşlı Günay Axundova xəstəxanaya çox ağır vəziyyətdə daxil olub: "Onun böyrək problemləri, qan azlığı olub. Uşaq yarımçıq doğulub. Ananı kritik vəziyyətdən xilas etmişik. Ana reanimasiyada yatıb. Ona uşağının ölməyi barədə məlumat verilmişdi”.

M.Babayev qeyd edib ki, aprelin 7-sində rəhmətə getmiş uşağın meyiti həmin gün Məhkəmə-Tibbi Ekspertiza və Patoloji Anatomiya Birliyinə təhvil edilib: "Lakin onlar gedəndə uşağın ölüsünü aparmayıblar. Buna görə də uşaq rəsmi qaydada- aktla, protokolla dəfn edilib”.

M.Babayev qeyd edib ki, valideynin xəstəxanadan çıxan zaman uşağın ölüsünü hansı səbəbdən aparmaması barədə fikir yürüdü bilməz:

"Bununla bağlı heç nə deyə bilmərəm. Bunların ürəklərində nəysə istəkləri var, nəyisə əldə etmək istəyirlər. Mənim başa düşdüyüm budur”.

M.Babayevin sözlərinə görə, bu məsələ hüquq-mühafizə orqanları və məhkəmə tərəfindən araşdırılıb və şikayətçinin iddiasının əsassız olduğu tam təsdiqini tapıb.

Hazırda bu işə Apelyasiya Mərhəkəməsi tərəfindən baxıldığını deyən baş həkimin müavini qeyd edib ki, qəbiristanlıqda 7 uşağın birlikdə basdırılması məsələsinə münasibət bildirə bilməz:

"Bu məsələ bizlik deyil. Uşaq Məhkəmə-Tibbi Ekspertiza və Patoloji Anatomiya Birliyinə təhvil verilib. Onlar da belə kimsəsiz şəxsləri qolunda yazı ilə dənf edilirlər”.