Artıq bir neçə gündür ki, 119 saylı Ağdam kənd Seçki Dairəsindən deputatlığa namizəd Xəqani Səfər oğlu Cəfərov seçicilərlə görüşlərini davam etdirir. Xəqani Cəfərovun Seçki Qərargahından verilən məlumata görə, bu səfər Ağdamın Xındırstan və Ergi kəndlərində əhali ilə görüşdə kənd sakinləri, ağsaqqallar, ziyalılar iştirak ediblər. Görüşdə Xəqani Cəfərov platforması, görəcəyi işlər, seçicilərin hüquqları və sair mövzu ətrafında genış söhbətlər aparıb. Kənd camaatı qarşısında cıxış edən deputatlıga namizəd göstərdi ki, secki dairəsini əhatə etdiyi dairədə hələ də həllini gözləyən bir sıra problemlər mövcuddur. Məsələn, kəndlərdə torpaq, su, iş yerləri və s. Bu problemlərin həlli təkcə müafiq dövlət qurumları deyil, həm də hər birmizin qayğı və problemlərinə çevrilməlidir. Deputatlığa namizəd bu görüşdən sonra rayonun Quzanlı qəsəbəsində gənclərlə görüş keçirib. Görüşdə iştirak edən Ağdam sakinləri ilə namizəd arasında qarşılıqlı fikir mübadiləsi aparılıb. Xəqani Cəfərov seçiciləri maraqlandıran sualları cavablandırıb, həm ölkə, həm də regionun problemlərinin həlli ilə bağlı düşüncələrini bölüşüb. Namizəd deputat seçiləcəyi təqdirdə görmək istədiyi və planlaşdırdığı layihələr barədə məlumat verib. Seçiciləri qarşısında çıxış edən Xəqani Cəfərov onun namizdəliyinin təsdiq olunması üçün imza verən Ağdamlılara təşəkkürünü də bildirib. O qeyd edib ki, Milli Məclisə deputat seçiləcəyi təqdirdə seçicilərini narahat edən məsələlərin həllinə yaxından köməklik göstərəcək.