Bu sözləri Samir Zeynalov sosial şəbəkədəki hesabında yazıb.

 O bildirib ki, 07.08.2019-cu il tarixdə "musavat.com" saytında "Paytaxtda iki nəfəri öldürən şəxsin (Sirus Qoçqani) cərrah olmadığı üzrə çıxdı" başlıqlı məlumat xarakterli yazı dərc edilib:

"Həmin ictimai rezonans doğuran və təkzib edilməyən məlumatdan sonra mən məlumatın həqiqi olub-olmaması haqqında ilk dəfə maraqlı şəxs Sirus Qoçqaniyə 08.08.2019-cu il tarixdə şifahi sorğu ilə müraciət etdim. Lakin o, müraciətimi dəfələrlə cavabsız qoyaraq mənim ünvanınma qeyri-etik və aqressiv təmayüllü sözlər deməklə kifayətləndi.

Mən bu barədə ikinci dəfə 13.08.2019-cu il tarixdə Baku Medikal Plazanın Babək filalının rəhbərliyinə müraciət etdim. 21.08.2019-cu il tarixdə özünü klinikanın Babək filalının direktoru kimi təqdim edən cənab Pərviz Şükürovla şəxsən görüşüm baş tutdu. Cənab P.Şükürov görüş əsanasında mənə tam əminlik və arxayınçılıqla bildirdi ki, Sirus Qoçqanin sertifikasiyası və müvafiq cərrah ixtisası üzrə diplomu mövcuddur. Daha sonra mənə bildirdi ki, 23.08.2019-cu il tarixdə mənə ya yazılı, ya da şifahi qaydada cavab verəcəkdir. Lakin Pərviz Şükürov bu vədinə əməl etmədi və mənim telefon nömrəmi öz təşəbbüsü ilə götürən cənab Şükürov onunla bu məsələ ilə bağlı əlaqə yaratdığım zaman dəfələrlə məni tanımadığını bəyan etdi.

Bu barədə üçüncü, yəni axırıncı yazılı soruğumu 16.08.2019-cu il tarixdə Azərbaycan Respublikasının Səhiyyə Nazirliyinə təqdim etdim. Nazirliyin mənə bu gün çatan 29.08.2019-cu il tarixli 5-59/Z-3969/6№-li cavab məktubunu oxuyub dilemmatik dəhşətə gəlməmək mümkün deyil. Belə ki, həmin sorğuda aşağıdakı kimi qeyd edilir:

Samir Zeynalov bildirib ki, nazirlik bununla da aşağıdakı xətalara yol verib:

1). İnfomasiya əldə etmək Azərbaycan Respublikasının İnformasiya Əldə Etmək Haqqında Qanunu və Azərbaycan Respublikasının Konstitusiyasının 50-ci maddəsi ilə tənzimlənir. Belə oian halda da tərəfimdən verilən sorğunun icra olunmamasının "əsaslı" səbəbi fərdi məlumatlar haqqında qanuna yox, informasiya əldə etmək haqqında qanuna istinad edilməli idi.

2). Tibb mütəxəssisin sertifikasiyası haqqında məlumatlar fərdi məlumatlar kateqoriyasına daxil deyil və əldə edilməsi məhdudlaşdırılmır.

İnformasiya əldə etmək haqqında qanunun 3.0.2-ci maddəsində fərdi məlumatların şərhi haqqında qeyd edilir: şəxsi və ailə həyatına dair məlumat (bundan sonra - fərdi məlumat) - şəxsiyyəti birbaşa və ya dolayısı ilə identikləşdirməyə imkan verən hadisələr, fəaliyyətlər, vəziyyətlər barədə faktlar, rəylər, bilgilər;

Eləcə də həmin qanunun 38-ci maddəsində fərdi məlumatlarla bağlı qeyd edilir:

Fərdi məlumatlar şəxsi və ailə həyatına dair məlumatların məcmusudur. Əldə olunmasına əhdudiyyətlər qoyulan şəxsi həyata dair məlumatlar aşağıdakılardır:

qanunla müəyyənləşdirilmiş qaydada qeydə alınan özəl hüquqi şəxslərdə, üzvlüyə dair məlumatlar istisna olmaqla, siyasi baxışları, dini etiqadları, əqidələri və dünya görüşlərini əks etdirən məlumatlar;

38.2.2. etnik mənşə və ya irqi mənsubiyyət haqqında məlumatlar;

38.2.3. cinayət işləri və ya digər hüquq pozuntularına dair işlər üzrə icraatın gedişində toplanmış informasiyalar açıq məhkəmə iclasınadək və ya hüquq pozuntusuna dair məhkəmə qərarı çıxarılanadək, yaxud insanların mənəviyyatı, şəxsi və ailə həyatının müdafiəsi, yetkinlik yaşına çatmayanın, zərərçəkənin və ya şahidin mənafeyi, yaxud ədalət mühakiməsinin həyata keçirilməsi üçün tələb edilən hallarda;

38.2.3-1. şəxsin məhkumluğu barədə məlumatlar;

38.2.4. sağlamlıq vəziyyəti haqqında məlumatlar;

38.2.5. şəxslərin özəl xüsusiyyətləri, qabiliyyətləri və xarakterlərinin digər cizgiləri haqqında məlumatlar;

38.2.6. sosial yardım və sosial xidmətlər göstərilməsinə dair vəsatətlər barəsində məlumatlar;

38.2.7. ruhi və fiziki əzablara dair məlumatlar;

38.2.7-1. şəxsə qarşı məişət zorakılığının törədilməsinə dair məlumatlar;

38.2.8. vergi ödənişləri üzrə borclar istisna olmaqla, vergitutma ilə əlaqədar məlumatlar;

38.2.9. maliyyə əməliyyatları barədə məlumatlar.[23]

38.3. Əldə olunmasına məhdudiyyətlər qoyulan ailə həyatına dair məlumatlar aşağıdakılardır:

38.3.1. cinsi həyat haqqında məlumatlar;

38.3.2. vətəndaşlıq vəziyyəti aktlarının qeydiyyatı haqqında məlumatlar;

38.3.3. ailə həyatının ayrı-ayrı məqamları haqqında məlumatlar;

38.3.4. övladlığa götürmə ilə bağlı məlumatlar.

Göründüyü kimi şəxsin sertifikasiyasının olub-olmaması haqqında məlumat fərdi məlumat kateqoriyasına aid deyildir və ölkənin səhiyyə sahəsinə cavabdeh olan qurumun məsul əməkdaşı fərdi məlumatların nələrdən ibarət olduğunu, ümumiyyətlə fərdi məlumat anlayışı haqqında müvafiq qanunvericiliyin hansı şərhi verdiyini bilmir.

Fərz edək ki, Səhiyyə Nazirliyi verdiyi cavabında haqlıdır. Məktubda qeyd olunan fikirdən ifadə olunur ki, Sirus Qoçqani özünün sertifikasiyasının olub-olmaması haqqında sorğunun icra olunmasına dair nazirliyə yazılı razılıq təqdim etməlidir. Sirus Qoçqani isə bunu etməyib.

Nəticə etibarı ilə əsas olaraq Sirus Qoçqaniyə suallar olunur:

Nədən qorxurursan, nədən çəkinirsən? 

Niyə sertifikasiyanın olub-olmaması haqqında verilən sorğunun icrası üçün razılıq bildirmirsən?

Və ya şəxsən özün, niyə sənə ünvanlanan sorğunu cavabsız qoyursan?

Belə çıxır ki, doğurdan da sənin haqqında yayılan məlumatlar həqiqətə adekvatdır və sən bu barədə razılığını susmağınla, nazirliyə yazılı razılıq təqdim etməməyinlə ifadə edirsən".

Məsələ ilə bağlı qarşı tərəfdən münasibət ğyrənə bilmədik. Ancaq yazıda adları çəkilənlərin mövqeyini də dinələməyə hazırıq.