16 sentyabr tarixdə Gürcüstanın “Güc Birlikdədir – Birləşmiş Müaxlifət” Siyasi Blokuna daxil olan Tərəqqi və Azadlıq Partiyasının, azərbaycanlıların kompakt yaşadığı Bolnisi-Dmanisi-Tetriçakro-Çalka seçki dairəsindən majoritar namizəd irəli sürülmüş Kaxa Okriaşvili Bolnisi rayonunun Arxlı kəndində azərbaycanlı seçicilərlə görüşüb. Görüş zamanı Arxlı kəndinin 200-dən çox sakini iştirak edib. Bu barədə mətbuata Kaxa Okriaşvilinin seçki qərargahından bildiriblər. Görüş zamanı majoritar namizəd Kaxa Okriaşvili seçki öncəsi proqramı barədə geniş məlumat verib. Majoritat namizəd qeyd edib ki, deputat seçicilərsə Dmnaisi və Çalka rayonlarında reallaşdırdığı sosial və infrastruktur layihələrini daha geniş şəkildə Bolnisi rayonunda da həyata kecirəcək. Görüşdə iştirak edən Arxlı kənd sakinləri-azərbaycanlılar KOkriaşviliyə öz pozitiv münasibətlərini ifadə ediblər. Arxlı kənd sakinləri görüş zamanı tələb ediblər ki, Bolnisi şəhərində azərbaycanlılara ev, mülk və torpaq sahəsi satılması üçün tətbiq edilən qeyri-rəsmi qadağa ləğv edilsin və Kaxa Okriaşvili deputat seciləcəyi təqdirdə bu məsələ dərhal həllini tapsin. Yerli azərbaycanlılar bildiriblər ki, Son 15 ildə Arxlı kəndində heç bir infrastruktur layihəsi həyata keçirilməyib, uşaq bağçası, gənclər evi, idman mərkəzi, mədniyyət evi yoxdur, kəndin bir çox yolları bərbaddır və Bolnsinin hazırkı deputatı və meri əhalinin problemlərinin həllindən imtina ediblər.
Daşqın Gülməmmədov,
sozcu.info