Dünən gecə İnquşetiyada mikroavtobus aşıb.

Sozcu.info məlumatına görə, qəzaya uğrayan mikroavtobus sərnişinlə dolu olub. Sərnişinlərin arasında azərbaycanlıların da olduğu müəyyən edilib.

Qəza nəticəsində 4 nəfər yaralanıb və xəstəxanaya yerləşdirilib.

Rusiya Fövqəladə Hallar Nazirliyindən verilən məlumata görə, Qroznı-Vladikavkaz marşrutu ilə hərəkət edən mikroavtobus Nazran yaxınlığında aşıb. Qəza zamanı avtobusda 7 nəfər - sürücü və sərnişinlər olub.