"İran - Azərbaycan əlaqələri heç vaxt yüksək səviyyədə olmayacaq. Buna baxmayaraq bu ölkə ilə əməkdaşlıq etmək və əlaqələri normal vəziyyətdə saxlamalıyıq. İran hakimiyyəti Azərbaycanın müstəqilliyini İranda yaşayan 40 milyona yaxın azərbaycanlı üçün mayak hesab edir. Və Azərbaycanın böyük bir ərazisi bu ölkənin ərazisi vahidindədir. Ona görə də biz rəsmi Tehrandan ölkəmizə qarşı xoş olmayan siyasəti daima gözləməliyik".
Sozcu.info xəbər verir ki, bunu politoloq Məhəmməd Əsədullazadə qeyd edib.
Politoloq bildirib ki, Azərbaycan İran əlaqələrində iqtisadi-siyasi əməkdaşlığı qorumalı və milli maraqlarımıza zərər gəlmədən bu siyasəti həyata keçirməliyik:
"Amma, zamanla Cənubi Azərbaycanla bağlı siyasətimizidə gündəmdə saxlamalıyıq.
Vətən müharibəsində İran ərazisindən Ermənistana hərbi texnikaların daşınması, rəsmi Tehranın bizə açıq şəkildə mövqeyinin nümayişi idi. Biz çalışmalıyıq ki, İranın məzhəbsəl siyasətinin ölkə daxilində inkişafının qarşısını alaq. İran öz zərərli məzhəb siyasəti vasitəsilə Azərbaycana təsir etməyə çalışır. Amma, bunun qarşısı daima alınır və bu siyasəti uğurlu olmayacaq".
"İran Azərbaycan əlaqələrində problemlər Tehran tərəfindən qaynaqlanır. İranın Azərbaycan bayrağına qarşı diqqətsizdirsə, Bakıda da biz eyni analoji jesti edə bilərik.
MM sədri xanım Sahibə Qafarovanın İran prezidenti ilə görüşdə bayrağ məsələsinə gəldikdə isə, bu protokol qaydalarına uyğundur", - deyə M.Əsədullazadə qeyd edib.