"Avropa Birliyi bu il Azərbaycanda büdcə kəsrinin maliyyələşdirilməsi üçün 15 mln. avro qrant ayırmışdı. İndi AB Lənkəran rayonunda aqrar-sənaye komplekslərinin inkişafına maliyyə dəstəyi üçün 13 mln. avro qrant ayırır. Bildiyim qədəri ilə Avropa Birliyi hüquq islahatları üçün də 1,5 mln. avro qrant ayırıb”.

Sozcu.info  bizimyol.info-ya istinadən xəbər verir ki, bu fikirləri iqtisadı ekspert Natiq Cəfərli səsləndirib.

"Ərdoğan demiş, "eyyyy hökumət və onların publik müdafiəçiləri”, bəs deyirdiz qrant pisdir, ölkənin daxili işlərinə qarışmaqdır, nə oldu indi?! Ölkədə QHT qanunvericiliyini pis günə qoyun, sivil toplumu yarı-leqal vəziyyətə salın, nəfəsini kəsin, amma özünüz Qərbdən qrant alın – bunun adı nədir?!

Bir neçə dəfə demişəm, bir də deyim – müstəqillikdən üzübəri məmləkətə Qərbdən 2 mlrd. dollara yaxın qrant gəlib və bunun 1,9 mlrd. dolları dövlət və hökumət qurumlarına, hökumətə institusional dəstəyə, dövlət-hökumət qurumları ilə birgə layihələrə ayrılıb – amma hökumət müstəqil QHT-lərə "qrantyeyən” deyib damlayıb. Əslində büdcəyeyən də, qrantyeyən də qalstuklu müəllimlərin özüdür. O məşhur Soros var e, hökumətin publik müdafiəçilərinin söydükləri adamı deyirəm, onun fondu ən böyük qrantı (təqribən 15 mln. dollar) vaxtilə Təhsil Nazirliyinə ayırmışdı”.

Qeyd edək ki, bu günlərdə hüquq müdafiəçisi və QHT rəhbəri Novella Cəfəroğlu da hökumtin xarici qrantlara qadağa qoymasını tənqid edərək bunun nəticəsidə insanların yalançı siyasi məhbus adıyla xaricə qaçmasına səbəb verdiyini demişdi.