Gömrükdə beşbarmaq əməliyyatı: saxlananlar var

Gömrükdə beşbarmaq əməliyyatı: saxlananlar var
Bodrum-Bakı aviareysilə gələn Azərbaycan vətəndaşı Ramal Məmmədov saxlanılıb.

Dövlət Gömrük Komitəsindən verilən məlumata görə, Hava Nəqliyyatında Baş Gömrük İdarəsinin əməkdaşları tərəfindən onun baqajı rentgen aparatıyla yoxlanılıb.

Monitorda beşbarmağa bənzər əşyanın təsviri görünüb. Həmin baqaja təkrar baxış zamanı R.Məmmədova məxsus çantanın içərisindəki şəxsi əşyaların arasından 1 ədəd metaldan hazırlanmış beşbarmaq adlanan soyuq silah aşkar olunub.

İlkin araşdırma zamanı R.Məmmədov izahatında Türkiyədən suvenir kimi aldığını və qadağan olunduğunu bilmədiyinə görə Azərbaycana gətirdiyini bildirib.

Ədliyyə Nazirliyi Məhkəmə Ekspertizası Mərkəzinin arayışına əsasən, bu, vurucu-əzici xassəyə malik soyuq silahdır.

Buna bənzər daha bir qaçaqmalçılıq faktı Biləsuvar Gömrük İdarəsinin Qoşa Təpə gömrük postunda qeydə alınıb. Burada İrandan piyada gələn Azərbaycan vətəndaşı Vüqar Məmmədovun çantasına baxış keçirilib və onda da beşbarmaq aşkar olunub.

Hər iki faktla bağlı təhqiqat aparılır.


Oxşar Xəbərlər

Xəbər lenti


{sape_links}{sape_article}