“Türkiyədə həbs edilməyimlə bağlı məlumatı yayan oğlum Qoşqar Məmmədovun  harada olmağımdan xəbəri yox idi”.
Bunu “Musavat TV”nin canlı efirinə qoşulan Qurban Məmmədov deyib.
Qurban Məmmədov bildirib ki, ailəsindən heç kim onun Türkiyədə olduğunu bilməyib. Məmmədov qeyd edib ki, görüşə getdiyi yerdə polis əməkdaşları onun pasportunu yoxlayıblar. O da bu barədə oğluna məlumat verib.

Qurban Məmmədov söyləyib ki, oğlu onun Türkiyədə saxlanıldığını düşündüyü üçün belə bir məlumat yayıb.
Həmin ərəfədə mobil telefondan istifadə edə bilmədiyini deyən Q.Məmmədov söyləyib ki, görüşə getməsini heç kim bilməyib.
 Suallara cavab verən Qurban Məmmədov Türkiyəyə gedən zaman həbs edilən sabiq deputat Hüseyn Abdullayevlə bağlı da danışıb.
 ““Quska” Türkiyəyə necə gedib. Hansı sənədlərlə gedibsə, özü bilər. Məni “Quska” ilə bir tutmayın. Mən “Türkiyəyə gedib, Türkiyə üçün problem yaratmaram”,- deyə Q.Məmmədov bildirib.
 Aparıcı Sevinc Telmanqızının sualarını cavablandıran Q.Məmmədov Aslan İsmayılovun onun barəsində dediyi fikirlərə də münasibət bildirib.
 Məlumat üçün qeyd edək ki, Aslan İsmayılov Qurban Məmmədovun Türkiyədə Əli Həsənovla görüşdüyünü yazıb.
Q.Məmməov buna cavab olaraq söyləyib ki, Aslan İsmayılov hüquqşünas olduğu halda, belə bir qeyri-dəqiq informasiya yayıb.
 Musavat.com