Əfqanıstanın paytaxtı Kabildə törədilən partlayış nəticəsində ölənlərin sayı 10-a çatıb.

APA-nın Reuters agentliyinə istinadən verdiyi xəbərə görə, bundan əvvəl 6 nəfərin öldüyü bildirilirdi.

Hadisə nəticəsində müxtəlif dərəcəli xəsarətlər alan daha 5 nəfər xəstəxanaya yerləşdirilib.

Xatırladaq ki, dekabrın 25-i səhər saatlarında terrorçu-kamikadze Əfqanıstan Milli Təhlükəsizlik İdarəsinin qarşısında özünü partladıb. Terror aktına görə məsuliyyəti İŞİD terror təşkilatı öz üzərinə götürüb.