Noyabrın 1-də Azərbaycanda keçirilən parlament seçkilərini müxtəlif ölkələrdən olan müşahidəçilər də izləyiblər. Yeni Sözçü qəzeti bildirir ki, beynəlxalq müşahidəçilər səsvermə prosesi ilə bağlı müxtəlif fikirlər səsləndiriblər.

Böyük Britaniyanın Lordlar Palatasının üzvü Baronessa Dettanın fikrincə, Azərbaycandakı seçki prosesi çox nizamlı şəkildə həyata keçirilib: “Mən hər hansı insidentin şahidi olmadım. Baş çəkdiyimiz seçki məntəqələrində seçici fəallığını da qeyd etməliyəm".
Avropa Parlamentinin Avstriyadan olan üzvü Franz Obermayer: “Seçki prosesində şəffaf mürəkkəbdən istifadə olunması indiyədək müşahidə etdiyim əsas yenilik olub”.

Rumıniyalı deputat Adrian Miroslav Merka : “Əlil və yaşlı insanlar üçün daşınan qutular təşkil olunub. İstər iqtidar, istər müxalifət, istərsə də bitərəf namizədlərin nümayəndələri məntəqələrdə idilər. Onların nümayəndələri də qeyd ediblər ki, hər hansı insident yaşanmayıb”.

Avstriya parlamentinin vitse-prezidenti Volf Qanq Gros Kuk : “Bəzi məntəqələrdə cüzi texniki problemlər qeydə alındı. Məsələn, ucqar bölgələrdə seçki məntəqələri üçün ayılmış yerlər kifayət qədər rahat deyildi. Bəzi məntəqələrdə müşahidəçilər bir qədər uzaqda yerləşdirilmişdilər. Bəzi məntəqələrdə isə seçkilər bir neçə mərtəbədə təşkil olunmuşdu. Səslərin sayılması kifayət qədər şəffaf keçirildi və hər hansı problem yaşanmadı”.

MDB müşahidə missiyasının rəhbəri Sergey Lebedev: “Yalnız kiçik pozuntular var idi. Mәsәlәn, ilkin qeydiyyata düşmәdәn bülleten almaq cәhdlәri olurdu. Lakin mәntәqә rәsmilәri bu kimi halların qaşısını dәrhal alırdı. Seçkilәr açıq vә şәffaf keçirilib. Bunun sәbәblәrindәn biri hәlә indiyә kimi bu qәdәr çox müşahidәçinin olmamasıdır. Veb-kameraların sayında artım olub. Qәrb ölkәlәrindә seçki prosesinin canlı izlәnmәsi yoxdur. Azәrbaycan xalqı sülh vә sakitlik istəyir”.

Türkiyənin Mərmərə Qrupu Strateji və Sosial Araşdırmalar Vəqfinin sədri Akkan Suver : “Bu seçki 24 ildir ki, müstəqil olan Azərbaycan üçün böyük uğurdur. Seçkidə tətbiq olunan veb-kamera sistemi şəffaflığın yeni modelidir. Bu sistem heç Türkiyədə yoxdur”.

Rusiya Mərkəzi Seçki Komissiyasının (MSK) sәdri Vladimir Çurov: “Bu, Avropada әn dәqiq seçici siyahısıdır. Müşahidә etdiyimiz heç bir mәntәqәdә әlavә tәrtib olunan siyahıya rast gәlmәdik. Kifayәt qәdәr səsvermə kabinələri var idi. Bülletenlәrin sayı seçici siyahısı ilә eyni idi.”

İtaliya parlamentinin seçkiləri müşahidə missiyasının rəhbəri Sergio Divina: “Əminliklə deyə bilərəm ki, müstəqilliyini yeni əldə etmiş Azərbaycanda keçirilən demokratik seçkilər kimi başqa yerdə seçki keçirilməsini müşahidə etməmişəm”.