AZƏRTAC-ın Ukrayna Milli Polisinə istinadən verdiyi məlumata görə, gecə 1:00 radələrində silahlı şəxs Xarkov Şəhər Şurasının mühafizəçini yaralayaraq binaya daxil olub.

Hadisə yerinə gələn polis qüvvələrinə qarşı silahlı müqavimət göstərilib, nəticədə bir polis ağır yaralanıb.

Silahlı şəxs əmrə tabe olmadığından polislər tərəfindən məhv edilib. Yaralanan polis xəstəxanaya çatdırılsa da, onun həyatını xilas etmək mümkün olmayıb.