Son olaraq vurğulayaq ki, "Zərrab işi” hazırda onsuz da hədəfdə olan İranın sabiq prezident Mahmud Əhmədinejadı yenidən diqqət mərkəzinə gətirib. Korrupsiya ittihamı ilə administrasiyasının üzvü Həmid Bəqayinin istintaqa cəlb edilməsi və Kirmanşah vilayətindəki təbii fəlakətdən sonra "xalq üçün ucuz evlər” layihəsi ilə ittiham atəşinə tutulan Əhmədinejadın artıq son rəsmi iqamət yeri – Məsləhət Şurasından çıxarılması tələbi daha ucadan eşidilir.

Ola bilsin ki, Azərbaycanda da, Ziya Məmmədovun vəzifəsindən kənarlaşdırılması kimi, son proseslər əsnasında, Rza Zərrabın məhkəmədə səsləndirdiyi ifadələr də əvvəl-axır gözlənilməz "hədiyyələr” versin – ehtimal ki, Gömrük Komitəsi, Maliyyə Nazirliyi, Mərkəzi Bank (və ya özəl bank) rəhbərlərindən kiminsə vəzifəsindən uzaqlaşdırılması, hətta həbsi xəbəri çıxsın.