"Reaksiya” TV-nin rəhbəri Zaur Qəriboğlu özlərini Milli İstiqlal Partiyasının (AMİP) lideri Etibar Məmmədovun qohumları kimi təqdim etmiş şəxslər tərəfindən ölümlə təhdid olunduğunu bəyan edib.

Qəriboğlu bu barədə rəhbərlik etdiyi kanalın canlı efirində danışıb.

Jurnalistin sözlərinə görə, onu təhdid edənlərdən biri Etibar Məmmədovun Nadir adlı qudasıdır. Jurnalistin ölümlə təhdid olunmasının ciddiliyini nəzərə alaraq, bu məsələdə qohumları vasitəsilə adı hallanan Etibar Məmmədovla əlaqə saxladıq. AMİP lideri saytımıza qısa açıqlamasında, haqqında danışılan məsələ barəsində məlumatsız olduğunu deyib:

"Mən belə boş xəbərlərə reaksiya vermirəm. Heç bilmirəm, nə xəbərdir. Ona görə də heç bir şey deyə bilmərəm”./Yenicag.az/