” 'Gürcü Arzusu'nun daxilində xəyanətkar insanlar çoxdur, yoxsa seçkilərdə daha yüksək nəticə göstərə bilərdi. Demək istəyirəm ki, partiya kordinatorlarının 70%-i dəyişdirilməlidir, bu insanlar partiyaya heç bir xeyir gətirmirlər”.
Sozcu.info xəbər verir ki, bu fikirləri Gürcüstan Azərbaycanlıları Milli Konqresinin sədri Əli Babaev “Media Holding Kvira” Mətbuat Klubunda keçirilən mətbuat konfransındakı çıxışı zamanı söyləyib. Onun sözlərinə görə, parlamentdə xalqı kriminallar yox, xalqın seçdiyi, hər cəhətdən inkişaf etmiş mütəxəssislər təmsil etməlidirlər. “Kriminalların və dövlət büdcəsini yeyən insanların parlamentdə nə işləri var? Parlamentdə xalqı xalq tərəfindən seçilmiş hər cəhətdən inkişaf etmiş hüquqşunaslar, politoloqlar, konfliktloqlar, itisadiyyatçılar, təhsil və ya digər sahələrdən olan insanlar təmsil etməlidirlər, lakin parlamentdə Uqulavanın, Melianın nə işi var? Bunlar və bənzəri insanlar dövlət büdcəsini soyaraq yox etdilər, oğurladılar. Bir zamanlar ölkənin altını üstünə gətirməyə çalışan bu insanlar bu gün sərbəst və azad şəkildə gəzirlər və bir daha ölkənin destabilizasiyası və qarışdırılması barədə danışırlar. Dünyada və ölkədə hökm sürən bu təhlükəli koronavirus dövründə insanların mitinqlərə qoşulmalarını necə tələb edə bilərlər? Mən Tbilisidə mitinqlərin birində VMH tərəfdarlarının insanlarla necə rəftar etdiklərinə şahid oldum. Belə bir şey ola bilərmi? Demokratiya budurmu?  Demokratiya insanları qorxutmaq və ya hədələməkləmi yaradılır? Bütün bunlar geridə, keçmişdə qaldı. Seçkilərə nəzarət edən beynəlxalq təşkilatlar ‘Gürcü Arzusu’ tərəfindən keçirilən seçkiləri yüksək qiymətləndirdi. Bu seçkilərdə ən çox zərəri isə ‘Gürcü Arzusu’ gördü. Bu qrupun daxilində xəyanətkar insanlar çox idi, yoxsa seçkilərdə daha yüksək nəticə göstərə  bilərdi. Demək istəyirəm ki, partiya kordinatorlarının 70%-i dəyişdirilməlidir, bu insanlar partiyaya heç bir xeyir gətirmirlər”, - deyə Ə.Babayev deyib.