Əvvəlki Sonrakı

Xankəndidə keçirilən hərbi parad

17-09-2025, 13:59

Antiterror əməliyyatı zamanı hərbçilərimiz böyük qəhrəmanlıq, şücaət, peşəkarlıq göstərmişlər

16-09-2025, 13:04

Polşada HƏYƏCAN: Müdafiə qüvvələri təcili SƏFƏRBƏR EDİLDİ

10-09-2025, 10:22

Trampın planı dərc edildi

18-08-2025, 13:24

KİV: Türkiyə istənilən vaxt Rusiya və Ukrayna arasında vasitəçiliyi bərpa etməyə hazırdır

4-08-2025, 08:32

Rektordan Ramiz Mehdiyevə şikayət ediblər - Müraciət

Rektordan Ramiz Mehdiyevə şikayət ediblər - Müraciət

 

"Azərbaycan Texnologiya Universiteti 2013-cü ildən bu günə kimi özünün durğunluq dövrünü yaşayır. Akif Süleymanov bu təhsil ocağına rektor təyin olunandan problemlər bir-birini əvəz edir. Tələbələrin tədris prosesinə marağı aşağı düşüb, universitet əvvəlki nüfuzunu itirir”.

Bunu Azərbaycan Texnologiya Universitetinin (ATU) əməkdaşı Azər Allahverdiyev Prezident Administrasiyasının rəhbəri, akademik Ramiz Mehdiyevə müraciətində yazıb.

Müraciətinin bir nüsxəsini də redaksiyamıza göndərən A. Allahverdiyev yazır ki, A. Süleymanov rektor təyin olunandan sonra universitetdə təhsilin keyfiyyəti daha aşağı düşüb:

"Cənab R.Mehdiyev!

Akif Süleymanov rektor təyin olunandan sonra universitetdə öz komandasını formalaşdırmağa başladı və buna nail oldu. Elmi dərəcəsi olmayanlar universitetdə prorektor, dekan, şöbə müdiri vəzifələrinə təyin olundular.

Akif Süleymanovun elmlər doktorlarını, professorları, dosent və baş müəllimləri universitetdən didərgin salmaqda məqsədi özünə yaxın şəxsləri bura toplamaq və təhsil ocağını istədiyi qaydada idarə etmək idi. O, bu istəyinə nail olub”.

Rektordan Ramiz Mehdiyevə şikayət ediblər

Universitet əməkdaşı qeyd edir ki, rektora yaxın şəxslərin sırasında prorektorlar - Vüqar İsmayılov, Səbuhi Yusifov, dekan Azər Hüseyn, kadrlar şöbəsinin sabiq müdiri Nofəl Salmanov, tədris şöbəsinin müdiri Piri Axundov, Sadiq Əfəndi, Zaur Əliyev, Asiman İlyasov, Tacəddin Bayramov, Fədai Əfəndiyev, Rauf Əmənov, mətbuat xidmətinin müdiri Rasim Əliyev və digərləri var: "Bu şəxslərin əksəriyyəti Azərbaycan prezidenti cənab İlham Əliyev tərəfindən fəaliyyəti dayandırılan "Qafqaz” Universitetinin , "Zaman” qəzetinin əməkdaşlarıdır. Bu qədər təsadüf ola bilməz ki, qardaş Türk xalqına ağır zərbə vuran Fətoçu Gülənlə bağlı olan "Qafqaz” Universitetində, "Zaman” qəzetində və Türk liseylərində formalaşmış bu insanlar bir araya gəlsinlər. Rektorun komandasında yuxarıda adlarını qeyd etdiyim şəxslərdən başqa müəllim və texniki işcilər də çoxluq təşkil edir”.

Müraciətdə qeyd olunur ki, mütəmadi olaraq A. Süleymanovun iş otağına yığılan bu şəxslər rektorun yaxınlığına heç bir əməkdaşı buraxmırlar: "Hətta, şikayətə gedən əməkdaşlara da rektorun əvəzinə özləri cavab verib, şikayətlərinə kölgə salırlar.

Rektor Akif Süleymanovun tətbiq etdiyi "qaydalar” müəllimləri, tələbələri problemlə üzləşdirir”.

Administrasiya rəhbərinə müraciətdə yazılır ki, A. Süleymanovun rektor təyinatının 10 -cu günü (2013-cü ilin mart ayı) atdığı bir addım sonradan məhkəmə predmetinə çevrilib: "2016-cı ilin fevral ayının ortalarında Bakı Ağır Cinayətlər Məhkəməsində baxılan cinayət işindən məlum olub ki, "Abşeron Holdinq-2013” MMC-nin direktoru, təqsirləndirilən şəxs Tərxan Ceyhun oğlu Şirinov ilə Akif Süleymanov arasında Texnologiya Universitetində işlərin görülməsinə dair 4 müqavilə bağlanıb. Ümumilikdə 100 min manatdan çox pul MMC-nin hesabına köçürülüb və dərhal da hesabdan çıxarılıb. Maraqlısı odur ki, sözügedən MMC-nin obyekti, nəqliyyat vasitələri, o cümlədən işçi qüvvəsi olmayıb və universitetdə də heç bir iş görülməyib”.

Şikayətçi bildirir ki, 30 yanvar 2018-ci ildə Təhsil Nazirliyinin üç əməkdaşı Texnologiya Universitetinə ezam olunublar: "Onlar dosent Həsən Musayevin, dosent Məsim Abadovun, baş müəllim Alim Əliyevin, mənim və digər əməkdaşların şikayətlərini araşdırmaq üçün gəlsələr də, bu səfərləri nəticəsiz oldu. Yəni, Təhsil Nazirliyi də Akif Süleymanovun qarşısında aciz qalıb”.

Bu səbəbdən də Azər Allahverdiyev problemin ədalətli araşdırılması üçün Ramiz Mehdiyev və təhsil naziri Ceyhun Bayramovdan kömək istəyir.

P.S. Redaksiya, Texnologiya Universitetinin rektoru A. Süleymanovun məsələyə münasibətini öyrənə bilməyib. Onun da fikirlərinə hörmətlə yanaşırıq və mövqeyinə yer ayırmağa hazırıq.


Oxşar Xəbərlər

ATU əməkdaşından prezidentə növbəti müraciət – “Akif Süleymanov üçün idarəçilikdə heç bir sərhəd yoxdur”
İşdən çıxarılan rektorları əvəz edənlər məlum oldu
BDU-nun AMEA-da Elm və Tədris Mərkəzi yaradılıb
“ASAN Xidmət”ə rəhbərlik Ülvi Mehdiyevə tapşırılıb –Sədr vəzifəsini icra edir

Xəbər lenti

PRİZMA

İtaliya-Azərbaycan strateji tərəfdaşlığı
İtaliya-Azərbaycan strateji tərəfdaşlığı

MÜSAHİBƏ

TƏHLİL

Türk Dövlətləri Təşkilatı Zirvə Görüşü: Birlik, strateji güc və inkişafın geosiyasi xəritəsi
Türk Dövlətləri Təşkilatı Zirvə Görüşü: Birlik, strateji güc və inkişafın geosiyasi xəritəsi

SOSİAL