APA-nın Türkiyə XİN-ə istinadən verdiyi xəbərə görə, bəyanatda bildirilib ki, Türkiyə əleyhdarı olan məlum çevrələr tərəfindən dəstəklənən bu cür təşəbbüslər milli təhlükəsizliklə bağlı suveren qərarlara hörmətsizliyin yeni təzahürüdür.

Bəyanatda bu cür qərarların Türkiyə-ABŞ münasibətlərinə zərər verdiyi vurğulanıb.

"ABŞ Konqresini Türkiyə-ABŞ münasibətlərinə zərər verməyəcək konstruktiv davranış nümayiş etdirməyə çağırırıq”, - deyə bəyanatda qeyd olunub.

Xatırladaq ki, ABŞ Senatının Beynəlxalq Əlaqələr Komitəsi Türkiyənin Suriyada həyata keçirdiyi hərbi əməliyyatlara və Rusiyadan aldığı "S-400” hava hücumundan müdafiə komplekslərinə görə Türkiyəyə qarşı sanksiya tətbiqini özündə əks etdirən qanun layihəsini qəbul edib.

Qanun layihəsində Suriyada hərbi əməliyyatda iştirak edən Türkiyə səlahiyyətlilərinə, xüsusilə Müdafiə naziri Hulusi Akara qarşı məhdudiyyətlər nəzərdə tutulur.