"Mitinqdəki çıxışımda insanların üsyan etmək hüququnun olduğunu bildirdim. Bu, bir çox ölkələrin təscrübəsində olub. Qiyamlara hazırlaşmırlar, xalq hakimiyyətdən narazı olanda baş verir".

"AzPolitika.info" erməni mətbuatına istinadla xəbər verir ki, bunu Ermənistanda 17 partiyanın birləşdiyi “Vətənin Qurtuluşu Hərəkatı”ndan baş nazirliyə namizəd olan Vazgen Manukyan jurnalistlərə müsahibəsində bildirib. “Mən hər zaman xalqı üsyana çağıracağam. İnsanlara qarşı fiziki metodlardan istifadəni istisna edən, gücdən kənar olan istənilən tədbirin məqbul olduğunu təşviq edəcəyəm. Tariximizdə heç zaman ölkə liderinin dövləti bu qədər kinayəli şəkildə məhv edib satdığı dövr olmamışdı", - deyə o vurğulayıb.

Jurnalisitlərin "qiyam yolu ilə hakimiyyət dəyişikliyi ölkə üçün daha təhlükəli deyilmi" sualına müxalifətçi belə cavab verib: “Dövlət üçün Nikol Paşinyanın baş nazir olmasından daha təhlükəli variant yoxdur. Bütün digər seçimlər çox yumşaqdır".