Bu ilin ilk 9 ayında “Azərbaycan Hava Yolları” QSC (AZAL) Gürcüstana 43 725 nəfər sərnişin daşıyıb.
Sozcu.info-un [spoiler][/spoiler]yerli bürosu xəbər verir ki, bu barədə Gürcüstanın Mülki Aviasiya Agentliyinin hesabatında bildirilib.
Sənədə əsasən, illik müqayisədə sərnişinlərin sayı 24 629 nəfər və yaxud 2,2 dəfə artıb. Ötən il AZAL qonşu ölkəyə sərnişin daşınmasını koronavirus pandemiyası səbəbindən yalnız I rübdə həyata keçirib.
Yanvar-sentyabrda Azərbaycanın milli daşıyıcısı Gürcüstanın aviasiya bazarında 3 %-lik paya sahib olub.
Hesabat dövründə Gürcüstana ən çox sərnişin daşıyan xarici aviaşirkətlərin ilk üçlüyündə “Türkiyə Hava Yolları” (189 457 nəfər), “SkyUp Airlines” (160 694 nəfər) və “Belavia” (143 624 nəfər) yer alıb.
Qeyd edək ki, COVID-19 pandemiyası səbəbindən Azərbaycanla Gürcüstan arasında uçuşlar 2020-ci ilin martından bir il ərzində dayandırılmışdı. AZAL-ın aşağıbüdcəli törəməsi olan “Buta Airways” şirkəti Bakı-Tbilisi-Bakı marşrutu üzrə reysləri bu ilin martın 19-dan bərpa edib.