Kanadanın ikinci ən böyük şəhəri Monrealda silahlı insident baş verib.
Sozcu.info “Guardian”a istinadla xəbər verir ki, şəhər polisi bazar ertəsi günü Monrealın yəhudilərin sıx yaşadığı məhəlləsində baş verən atışma nəticəsində üç nəfərin öldüyünü açıqlayıb.
Bildirilib ki, yəhudi icmasının mülki üzvü, bir polis məmuru və hücum edən şəxs həlak olub.
Lakin polis atəş açan şəxsin qəsdən yəhudi icmasını hədəf almadığını bildirib. Qeyd olunub ki, mülki şəxs səhvən açılan atəş nəticəsində öldürülüb.
Kanadanın yerli xəbər agentlikləri insidenti törədənin manifestinin bəzi hissələrini dərc ediblər. Manifestə əsasən, onun dünyanın ən böyük pornoqrafiya veb saytlarından birini hədəf aldığı ehtimal olunur.