İranın Xarici İşlər Nazirliyinin mətbuat katibi Seyid Abbas Musəvi İranın nüvə razılaşması çərçivəsindəki araşdırma və inkişaf etdirmək ilə bağlı öhdəliyini rəsmən təxirə saldığını elan etdiyini bidirib.

İranda nəşr edilən "ParsToday” qəzeti Musəvinin məsələ ilə bağlı açıqlamasını dərc edib. Xəbərə görə, Musəvi açıqlamasında İranın xarici işlər naziri Məhəmməd Cavad Zərifin Avropa İttifaqının xarici siyasət üzrə komissarl Federika Mogeriniyə məktub göndərərək bu öhdəliyin təxirə salındığını yazıb.

Musəvi deyib: "İranın xarici işlər naziri bu gün Mogeriniyə bir məktub göndərərək, Amerikanın nüvə razılaşmasından imtina eləməsi və İran əleyhinə tətbiq edilən embarqolar və 3 Avropa ölkəsinin nüvə müqaviləsi çərçivəsindəki öhdəliklərini yerinə yetirmək məsələsindəki acizliyi ilə əlaqədar olaraq, İranın nüvə sahəsindəki araşdırma və inkişaf öhdəliyini təxirə saldığını bildirib”.

İran öz öhdəliklərinin dayandırılmasının detallarını Beynəlxalq Atom Enerjisi Agentliyinə bildirəcək.