Azərbaycanın Mərkəzi Asiya Dövlət Başçılarının görüşlərinə dəvət olunması ölkələrimiz arasında mövcud dostluq, qardaşlıq münasibətlərindən və inkişaf etməkdə olan əməkdaşlıqdan xəbər verir. Son zamanlar Azərbaycan rəhbərliyi Mərkəzi Asiya ölkələri ilə ikitərəfli və çoxtərəfli əsasda və ilk növbədə Türk Dövlətləri Təşkilatı çərçivəsində əlaqələri intensivləşdirib. Mərkəzi Asiya və Azərbaycan xalqları arasında dərin köklərə malik əsrlik əlaqələr olması, ortaq mədəni irsin dövlətlərarası əlaqələrin möhkəmləndirilməsi və genişləndirilməsi üçün möhkəm təməl təmin etməsi tarixi bir faktdır .
Azərbaycan Prezidenti İlham Əliyev avqustun 9-da Astanada keçirilən Mərkəzi Asiya dövlət başçılarının VI Məsləhət Görüşündə iştirakı Azərbaycanın Mərkəzi Asiyadakı artan diplomatik fəaliyyəti və strateji əhəmiyyətini vurğulayır. Müstəqillik qazandıqdan sonra Qazaxıstan və Azərbaycan ikitərəfli və çoxtərəfli səviyyələrdə geniş əməkdaşlıq edərək bir-birinin suverenliyini və ərazi bütövlüyünü dəstəkləyib. İki ölkə arasında tez-tez baş tutan yüksək səviyyəli mübadilələr gələcək əməkdaşlıq üçün yeni bir istiqamət nümayiş etdirir. Onu da qeyd edim ki ,Qazaxıstan və Azərbaycan Mərkəzi Asiya və Cənubi Qafqaz arasında geosiyasi qarşılıqlı əlaqədə mühüm rol oynayır. Bu əhəmiyyət hər iki ölkənin böyüyən iqtisadiyyatları, demoqrafiyası və nəqliyyat imkanları ilə möhkəmlənir. Səfər zamanı Qazaxıstan prezidenti Kassım-Jomart TokayevAzərbaycanda keçiriləcək COP29-a öz dəstəyini vurğulamış və Prezident İlham Əliyevin bu münasibətlə təbrik etmişdir .Bu, ölkələrimiz arasında dostluğu, qlobal ekoloji təşəbbüslərə bağlılığı və aktual ekoloji məsələlərin həllinə hazırlığı vurğulayır.
Nizami Eminov 
Suraxanı rayonu, 85 saylı orta məktəbin təlim-tərbiyə işləri üzrə direktor müavini
Sozcu.info