Dünya Azərbaycanlıları Mədəniyyət Mərkəzinin və İctimai Nəzarət Kolasiyasının rəhbər heyətində kadr dəyişikliyi olub. Hər iki qurumun Mətbuat Xidmətlərindən «"Yeni Sözçü" qəzetinə verilən məlumata görə, DAAM və İNK-nin Himayədarlar Şurasının sədri Arif Qaraşov tutduğu vəzifəsindən kənarlaşdırılıb.

Onu Ülviyyə Murtuzova əvəz edib
Həmçinin DAAM-ın vitse-prezidenti Hacı Quliyev tutduğu vəzifəsindən azad edilib. Onu isə Azərbaycanın xalq artisti, «Şöhrət» ordenli, korifey sənətkarımız Ramiz Quliyev əvəzləyib. DAAM-ın 1-ci vitse-Prezidenti Rasim Məmmədov əməkdaşımıza eksklüziv olaraq baş vermiş kadr dəyişikliyinin səbəblərini izah edib. «Həm Arif Qaraşov, həm də Hacı Quliyev ötən bir il ərzində təşkilatın ictimai-mədəni tədbirlərində passivlik göstəriblər, tədbirlərimizin heç birində iştirak etməyiblər. Bilirsiniz ki, DAAM və İNK Xalq yazıçımız Çingiz Abdullayevin rəhbərliyi altında Azərbaycanın mədəni siyasətinin ən yüksək səviyyələrdə təbliğatı istiqamətində çalışır, ölkədə ictimai nəzarətin həyata keçirilməsində vətəndaş cəmiyyətləri ilə əməkdaşlıq edir. Təkcə son bir ildə Rusiyada, Türkiyədə, eləcə də Rusiyanın muxtar respublikalarında, Ukraynada… Azərbaycanın adının ucalığına hesablanmış silsilə tədbirlər keçirmişik, ölkəmizin adının daha da şöhrətlənməsi yolunda əlimizdən gələni etmişik. Lakin yuxarıda adları qeyd edilən, vəzifələrindən kənarlaşdırılan şəxslər isə bu tədbirlərin heç birində iştirak etməyiblər, dəstək verməyiblər…», -deyə Rasim Məmmədov deyib.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Sozcu.info