Qaxda əlillik dərəcəsi vədi ilə vətəndaşların 17 min manata yaxın pulunu mənimsəyən şəxs saxlanılıb.
DİN-in Mətbuat Xidmətindən Sozcu.info - ya verilən məlumata görə, polis şöbəsinə müraciət edən vətəndaşlar Rəşid adlı şəxsin guya onlara əlillik dərəcələri təyin etdirəcəyini vəd edərək aldatdığını və ümumilikdə 17 000 manata yaxın pullarını ələ keçirdiyini bildiriblər.
Daxil olmuş müraciətlər əsasında polis əməkdaşlarının keçirdikləri əməliyyat-axtarış tədbirləri nəticəsində dələduzluq əməlini törətməkdə şübhəli bilinən, Qax rayonu Şotavar kənd sakini Rəşid Allahverdizadə saxlanılıb.