Səudiyyə Ərəbistanının rəhbərlik etdiyi koalisiyanın endirdiyi iki hava zərbəsi nəticəsində Damar vilayətində keçirilən toy mərasimində ən azı 15 nəfər dünyasını dəyişib, 25 nəfər isə ağır yaralanıb.

Bildirilir ki, zərbələr paytaxt Sənadan 113 km məsafədə husilərin keçirdiyi toy mərasiminin keçirildiyi yerə endirilib.

Hazırda koalisiya baş verənlərlə bağlı açıqlama verməyib.

Səudiyyə Ərəbistanı martın 25-də husilərin Yəməndə ölkənin cənub əyalətlərinə irəliləməsinin qarşısını almaq və BMT-nin rəsmi olaraq tanıdığı prezident Əbd Rəbbi Mənsur Hadinin yenidən hakimiyyətə gətirilməsi məqsədilə Yəmənə qarşı hava hücumlarına başlayıb. 10 ərəb dövləti və ABŞ "Qətiyyət fırtınası" adlanan bu hərbi əməliyyatı dəstəkləyib.

Husilər ötən ilin sentyabrından Yəmənin paytaxta hücum edib, Mənsur Hadi hakimiyyətini devirərək paytaxt Sənanı nəzarətə götürüb. O, ötən ay ölkənin cənubundakı Ədən şəhərinə sığınıb. Üsyançılar cəbun regionlarına irəlilədiyinə görə onun artı ölkədən çıxdığı deyilir. Mənsur Hadi BMT Təhlükəsizlik Şurası və Ərəb Dövlətləri Liqasından husiləri dayandırmaq üçün hərbi yardım istəmişdi.