Devin Şenker: “Səmimi deyilsiniz”
Hurriyyet.org xəbər verir ki, ABŞ Xarici İşlər Nazirliyinin Yaxın Şərq üzrə məsul şəxsi Devid Şenker Avropa ölkələrinin Liviya sülh embarqosu məsələsində sadəcə Türkiyəyə qarşı sıxdıqlarını, heç kimin Həftər qiyamçılarına köməyə gedən Rusiya, BƏƏ və Misir təyyarələri barəsində heç nə demədiyini söyləyib.
Alman Marşal Fondu adlı analitika mərkəzinin keçirdiyi bir tədbirdə çıxış edən  Devid Şenker avropalıların Liviyadakı döyüşlər və bu ölkəyə tətbiq edilən silah embarqosu məsələsində səmimi olmadıqlarını söyləyib.
Avropalıların daima BMT-nin tətbiq edilən silah embarqolarında iştirak edərək Aralıq dənizindəki fəaliyyətləri ilə lovğalandıqlarını bildirən Şenker deyib: “Əngəllədikləri yeganə iş Türkiyə ordusunun Liviyaya göndərdiyi avadanlığa qarşıdır. Lakin heç kim Əmirliklərin (BƏƏ) təyyarələrinin qarşısını kəsmir. Heç kim misirlilərin qarşısını kəsmir”.
Avropa dövlətlərinin Liviya məsələsində daha çox iş görə biləcəkləri halda, bunları etməməsinin təəssüfləndirici olduğunu bildirən amerikalı diplomat deyib: “Səmimi olsaydılar, bəziləri silah embarqolarını pozduğu zaman onları ən azından ifşa edərdilər”.
Avropa ölkələrinin ən azından Liviyanın şərqindəki qeyri-qanuni qüvvələrin lideri çevrilişçi Həftərə dəstək verən Rusiya özəl hərbi şirkəti “Vaqner”i sanksiya siyahısına daxil edə biləcəklərini qeyd edən Şenker deyib: “Bəlkə də bu məsələ ilə bağlı Rusiyadan çəkinirlər. Lakin orada (Liviya) daha güclü və daha ciddi rol almasalar, bu  iş daha çox uzanacaqdır”.