Sozcu.info  xəbər verir ki, bunu Birləşmiş Ərəb Əmirliklərinin Ümmət Partiyasının baş katibi Həsən əl-Dıqqi deyib.

Dıqqi bildirib ki, üçlüyün yeni hədəfi Liviyadır. Onlar yeni layihələrini fiqur olaraq müəyyən etdikləri Xəlifə Haftar vasitəsilə Liviyadakı proseslərə təsir göstərmək, Əlcəzair və Sudanda dizayn olunan yeni diktatura nizamını burada tətbiq etmək üzərində qurublar.

Liviyanın paytaxtı Tripolidə bəzi bölgələr Xəlifə Haftarın liderliyindəki Milli Ordu tərəfindən əl keçirilib. Həsən əl-Dıqqinin sözlərinə görə, bu hadisə ilə ABŞ BƏƏ hökuməti, Misir və Səudiyyə Ərəbistanı vasitəsilə yeni bir dağıdıcı planını dövriyyəyə buraxıb. Haftarın hərəkət planı "Black Water” tərəfindən hazırlanıb. Çevriliş prosesinin pərdəarxasında amerikalı Erik Prins var və bu əməliyyatın maliyyəsi Səudiyyə Ərəbistanı ilə BƏƏ tərəfindən təmin edilir. Dıqqi bildirib ki, Liviya, Əlcəzair və Sudanda yaşanan hadisələr regional miqyasda yaymaq istənilən bir dağıdıcı layihənin hazırlıq mərhələsidir.

Neo-diktatura dizaynı

Baş katibin sözlərinə görə, ABŞ, Avropa və Körfəz İttifaqı əvvəlcə Suriya Çevrilişi kimi Liviyada da xalqın ayağa qalxmasını uğursuzluğa məhkum etməyi hədəfləyir. Sonra isə müsəlman xalqların azadlıq tələblərinə ağır cavablar verən Misirin çevrilişçi lideri Əbdülfəttah əl-Sisi kimi BƏƏ vəliəhd şahzadəsi Məhəmməd ibn Zahid, Səudiyyə Ərəbistanı vəliəhd şahzadısi Məhəmməd ibn Salman və Haftar ilə neo-diktatura tətbiqini genişləndirmək istəyir.

Domino effektindən qorxu

Həsən əl-Dıqqi Əlcəzairdə kəşfiyyat və xunta ilə işlənən 200 min nəfərlik qətliamdan sonra 1999-cu ildə BƏƏ-nin əli ilə vəzifəyə gətirilən Əbdüləziz Buteflikaya qarşı reaksiyaları da diqqət mərkəzinə çəkib: "Hazırda milyonlar bu hadisələrin hesabatını almaq və köhnə sistemdən qurtulmaq üçün küçələrə axışıb. Səudiyyə, BƏƏ, Misir ölkələri Əlcəzairdə yaşanacaq çevrilişdən yüz faiz öz payını alacaq. Tunisin ayağa qalxması və sonra yaşanan proseslərdən qorxan qərb əməkdaşları domino effektindən təşvişə düşüb hərəkətə keçdilər. Liviyada yaşanan hadisələri bir az da bu perspektivdən oxumaq lazımdır.

Xəlifə Haftar xalqın iradəsinə qarşı idxal edilən bəsit bir fiqurdur. Haftara logistika təmin edən ən önəmli mərkəz BƏƏ-dəki Serbinya Hərbi Bazasıdır. Bundan başqa, Misirdə Siva bölgəsi və Çadda qurulan digər iki baza Milli Orduya dəstək verir”.

Türkiyənin nüfuzu hədəfdədir

"Türkiyənin Afrikaya açılması bir neçə ildə böyük nəticələr verdi. Ankara bu diplomatiya ilə ciddi mənada iqtisadi, siyasi və coğrafi faydalar əldə etdi. Sudan, Liviya, Əlcəzairdə baş verənlər, eyni zamanda, Türkiyənin nüfuz dairəsinə bir hücumdur. İbn Zahid hökuməti Ömər Bəşirə siyasi, iqtisadi sahədə kəskin formada şantaj və təzyiq tətbiq edir. Başda Fransa olmaqla, bir çox Avropa ölkəsi də Türkiyənin böyüməsindən narahatdır. Bu səbəbdən də Körfəz ölkələri ilə birlikdə hərəkət edirlər. Sudanın kəşfiyyat şefi Saleh Qoş 2011-ci ildə Ömər Bəşir tərəfindən istefaya göndərilmişdi. Ancaq yeni dövr prosesləri və BƏƏ-nin təzyiqi ilə 2018-ci ildə yenidən vəzifəyə təyin edildi. Tamamilə ABŞ və Körfəz ölkələrinin mənfəəti üçün çalışan bu şəxs Türkiyəyə qarşı qüvvələri təşkilatlandıran və idarə edən şəxsdir. Saleh Qoşun vəzifəyə gətirilməsi xalqın üzərində əsdiriləcək terrorun xəbərçisidir. Liviyada var olan və son illərdə güclənən Türkiyə detalı hər kəsin bildiyi bir gerçəkdir. Ərdoğan hökumətinin İraq, Suriya, Misir, Liviya və Tunisdə xalqların yanında olmaq siyasətindən dolayı fövqəladə güc qazanan mərkəz məhz Ankaradır. Lakin Qərbin və yerli kuklaların nəzərə almadığı əhəmiyyətli bir detal var: Rəcəb Tayyib Ərdoğanın dövründə strateji rejimlər deyil, xalqlarla qurulan münasibətlər əhəmiyyətlidir. Məhz bu səbəbdən bu savaşda qalib gələn, heç şübhəsiz ki, Türkiyə olacaq”.