Nəhayət, Ermənistanın Qərblə münasibətlər gündəliyinin bir hissəsi məhz bu olub, böyük ölçüdə, bu olaraq da qalmaqdadır. Bu istiqamətdə münasibətlər inkişaf etməlidir. Bu mənada, böyük ölçüdə hökumətin Qərb istiqamətində atdığı addımların yetərsizliyilə bağlı narahatlıq planında deməliyik ki, Ermənistanın Qərb siyasəti praktiki olaraq Ermənistan ərazisinə köçürülür və burada baş verir. Və biz bu barədə hətta öncəki hökumət dövründə, 2017-ci ilin noyabrında yeni Ermənistan-AB çərçivə anlaşması imzalanarkən danışa bilərdik. Bu, Ermənistan məsələsində geopolitik konsensus idi və böyük hesabla, onun "oriyentasiyası” məsələsindən çıxarılıb, Ermənistanın daxili keyfiyyət islahatları probleminə çevrilməsi idi. Bunun əsasında da Ermənistanın regional missiyası və rolu durur. Sonda, bu illərin gedişi göstərdi ki, Ermənistanda kimin hakimiyyətdə olmasından asılı olmayaraq, Qarabağ hərəkatının başlanğıcından başlayaraq, deyəsən, bu missiya və rola yenidən baxış olmamalıdır və o, geopolitik meydançada yalnız hakimiyyət mərkəzləri arasında səsləndirilməyən konsensusun predmeti ola bilər. Çünki geniş mənada bu, artıq Ermənistanın məsələsi deyil, regional balans məsələsidir.